Religionesmerayu misakmera køtrøtelø amøñipelø køn. Tiuspe nømun untaktøka isupik køn. Truikwan nepua asikpe latrø tapik køn. Inchentø, religiónpurøkutri møilø latrø kalø mararkøn (2 Corintios 4:3, 4; 11:13-15). Wammørøsrailøyu eshkapik køn religionesmeran perep pøntrapelø iløyu purukup amøñipelø kui: pek misakmerape katøkan pek misakmerapa kuayailøyu, kuetsiløyu, urekmeran kemøra mintisailøyuken amøñipelø køn. ¡Tiuswan kørepelø trunun ashape pusrkuai ashipelø køn! Leu Mateo 24:3-5, 11, 12.

Religión cierton kusrenanøpelø Jeupawan tap kui ashchai purukupelø køn, inchen religión cierton kusrenanmeløpe Jeupawan pusrkuankarun. Nømpe Tiuswainukkutri cierton kømelanpa, kuapelaimpurappa kusrenanan inchentø Bibliayu treek eshkapikpe pøntrømøn. Jeupape misakmera ciertonikwan kusrentrai isun. Leu Romanos 6:23; 1 Timoteo 2:3-5.

Tiuspe køremíik køn religionesmeran nun untakelø ker chipentø, kuaimantsikwayelan untarapelø køpentø (Santiago 4:4). Bibliape ketriku religionesmera ciertonikwan kusrenanmelan “Babilonia Purø Nuik” cha waman. Ik munchipe antigua ciudayukutri wepatrik køn, Noé uñip uras Pirø ørø pi pulap puraipen, religión ciertonikwan kusrenanmelø truyu kal-laik køn. Yana palømøn, Tius religionesmera misakmeran kepenøsrkøp mintiship kusrenanøpelan pestø pinisamik. Leu Apocalipsis 17:1, 2, 5, 16, 17; 18:8.

Religionesmera ciertonikwan kusrenanmeløyu køtrøtø misakmeran Jeupa ciertonikwan kusrenantrap wesrup pasran. Leu Juan 6:45.

Jeupape tap kui ashipik køn misakmera ciertonikwan tapikwanpa untak tøkarwane. Inchawai, nømun eshkap pasran religión ciertonikwan kusrenanmeløyukutri tarømisrtrai. Tiuswan cierton untarawape nømpe tarømisra yunømartraptøwai pøntrøntrun. Leu Apocalipsis 18:4.

Kan siglosrø, Cristo nøaship karua ørilø Tiuswaiwan kusrenanøp amtrupen køtrøteløpe tap mørik køn. Jeupa nømui øsik amønainuk kasraktø amøñintrai purukuik køn wentøsrønkucha tapelø puntrapelan munirap tøkakøntrai. Nøm latawai, namkucha Biblian maik taikwan møra mara, Jeupawan metrap pasrkun. Leu 1 Tesalonicenses 1:8, 9; 2:13.

Misakmera religión ciertonikwan kusrenanmeløyukutri wepampa ciertonikwan utøpen, Jeupape purø kasrak utapik køn. Mayeløpa Jeupawan kanpalatø untaktøka adorap pøntramik Jeupapa trak kantø lincha pøntran incha nøm manakatik øsik waramikwan utøntrap munirapkøn. ¿Ñune tap køntrauta ik tapelan utamik? Leu Mateo 19:29; 2 Corintios 6:17, 18.

Jeupape religión ciertonikwan kusrenanmelan patsøkøpen misakmerape Pirø ørø tap warøntrun. Religión ciertonikwan kusrenanmelø misakmeran yantø peløsrka nøørø martrap kaimantrun. Pirø ørø misakmerape Tius ciertonik kantø wapikwan adorantrun. ¿Tap wammørøsraik kø chinta? Leu Apocalipsis 18:20, 21; 21:3, 4.