KUSRENANIK 7
¿Tius Nø Aship Karup Waikpe chi kø?
1. ¿Tius Nø Aship Karup Waikpe chi kø?
¿Nampe chincha nepua asha kø Jesús mas tap Aship Karup Wantrapik kui? (MARCOS 1:40-42).
Srømpalasrønkutri aship karup wapik køn. Truikpe Tius maik martrai eshkaikwan marøp, srømpalasrø latawai yu Piraukucha, nø maik maramtik køpen treekwan martrun. Trektøwai Tius Nø Aship Karup Waikpe yu Pirau ketriku aship karup pøntrapelan chap pinisha, nøtø aship karup pasramisrtrun. Ik Aship Karup Pasrapikpe sí, maya misakmeran kanpalatø warøntrai martrun. ¡Ilø latrø tap wammørøsrailø køn! Leu Lucas 1:33; Mateo 6:9, 10; 24:14.
Kan karuinukma, metrap aship karup wapik tøkar køn. Inchakutri, Jeupa Nø Aship Karup Wainuk nui Nusrkai Jesucriston Metrap Aship Karup Wantrai wesruik køn. Leu Apocalipsis 11:15.
Videun ash ¿Tius Nø Aship Karup Waikpe chi kø?
2. ¿Jesús chincha mas tap Aship Karup Wantrapik kø?
Kakentø Tiuswai Nusrkaimpe latrø tammay, kutike sølkantø marøpik kuikkutri latrø tap aship karup pasrøntrapik køn (Mateo 11:28-30). Trutø kømø, nø srømpalasrønkutri yu Pirauelan aship karup wamisra, Tius Nø marampurap martrai traniktøka maya misakmeran tap warøntrai purukuntrun kakentø nø kuawa kutra, srømpalasrømay ya Tiuswaim pulu kusrmay wamisrik køn (Hebreos 10:12, 13). Tius Jesúswan nø aship karup wantrai purørik køn. Leu Daniel 7:13, 14.
3. ¿Jesúspa aship karup putrøntrapelø mumera kera?
Bibliayu eshkapik køn, Tiuswai misakmera møiløtø Jesúspa srømpalasrø aship karup putrøntrap køn cha. Daniel 7:27yu newan tap chishelø cha waman. Øyamaytøwai, Tius srøtø misakmeran newan tap chishelø køntrai, Cristo nøaship karua ørilan lawa wesruik køn. Møyankucha møkelan lata, ishumpurmeran lata fe tøkarmeran, newan tap chishelø køntrai lawa wesrup pasran. Ik misakmeran Jesús latawai kuawa, srømpalasrømay ampen, asr espiritual utøntrun. Leu Juan 14:1-3; 1 Corintios 15:42-44.
¿Srømpalasrømay mamelø amtrap kø? Bibliayu eshkan amtrapeløpe mamtø køn cha, Jesúspe nømun “mamdø ubishazheelø” cha waman (Lucas 12:32). Jesúspa 144.000 misakmerapa, srømpalasrønkutri Pirøwan aship karup putrøntrap køncha. Leu Apocalipsis 14:1.
4. ¿Chitø purayaik kø Jesús aship karup wamisren?
Jesús 1914 * pilayukutri karup wamisra, Satanáswanpa kuaimantsikmeranpa srømpalasrønkutri yu Piraumay pinøpusrik køn. Kuaimantsikpe latrø namik kui pinaatrua, Pirø mupa kuimpurap mas latrø trømpøik purep pasrøntrai marøp mentik køn (Apocalipsis 12:7-10, 12). Øyeekkutri, misakmera mas kiship amønamik pun. Yu Pirau pek misakmerape katøkan pek misakmerapa kuayap, pirø kønanpa, kuantrømera kømpa, parø atrup, Bibliayu øyeek purep intrun cha eshkaik køn, treek nemisrøp pasraikpe Tius Nø Aship Karup Waik, yu Pirau karup wamik lutau pasraik kenamaran. Leu Lucas 21:7, 10, 11, 31.
5. ¿Tius Nø Aship Karup Waikpe møya chi marøp pasra? ¿Wentøsrø chitø martrera?
Tiuswai wamwan kusrenanøp ampinuk, Pirø mupa kuimpurap, chi misakmeran køpen tuluntsunønkarup pasran. Truilan Bibliayu “misak purø nu” cha waman. Latrø yam misakmera køtrømayelø Jesús metrap aship karup wapikwan møra marøp pøntrapelø køn. Tius Nø Aship Karup Waikpe kaik misakmeran chap pinishipen, nøm mayeløpa øsik puraamtrun. Tius Nø Aship Karup Wainuk latrø tapik marikwan utøntrappe, Jesús maik taikwan møra maramik køn. Leu Apocalipsis 7:9, 14, 16, 17.
Mil pilamerasrø pui amønainuk, Tius Nø Aship Karup Waikpe metrapsrønkutri nø maik martrap isuikwan treekwan mara, Pirøwan tapchik køntrai martrun. Jesús Nø Aship Karup Waikwan nui Møskawan katø purørtrun (1 Corintios 15:24-26). ¿Ik Aship Karup Waimpurap munkøpen eshamik ñun tap køntrauta? Leu Salmo 37:10, 11; Mateo 5:5.
^ par. 6 Biblia metrapsrønkutri 1914 pilawaimpurap chap eshkaikwan mas tørkantø nepua kusrentrappe, asinkilkayu ¿Qué nos enseña la Biblia? nota 22yu kilkamera 217kutri 220katik ash.
