KUSRENANIK 5
¿Tiuspe misakmeraimpurø chi isua martrap kø?
1. ¿Tiuspe Pirøwan chincha mara pasrik kø?
Jeupa Pirøwan isua marøppe, truyu warøntrai marik køn. Adánwan Evanpa kantø misra urek tøkakøntrai marøppe srømpalasrøn kømø, Pirau warøntrai marik køn kakentø metrapsrønkutri Tiuspe ángelesmerane yantø trusrø pøntrøntrai marik køn (Job 38:4, 7). Jeupape srøtø møkwan latrø tap Pirøchiku Edén taiksrø mara pasrik køn (Génesis 2:15-17). Trektøwai, Tiuspe Adánwainukkutri amtruntrapelankucha yu Pirau manakatik øsik warøntrai tranik køn. Leu 1 Juan 2:17; Génesis 1:28.
Katøkanpurappe, Pirø ørøpa Edén taiksrømpe lamøtik kuikkutri lamø lamø latrøpichip intraimpe, Adánpa Evapa urek tøkakømik kuik køn (Génesis 1:28). Inchakutri, Pirøpe manaken pinisaik kømøntrun, kakentø truyu manakatik misakmera waramik køntrun. Leu Salmo 104:5.
Videun ash ¿Tiuspe Pirøwan chincha mara pasrik kø?
2. ¿Møya chinchatre latrø tap Pirøchik kømø?
Kakentø Adán Evanpa Tiuswan møra marmuikkutri Edényukutri wepusrik køn. Inchawai, latrø tap Pirøchikpe chap pinøpen katø pølpasrøyutø maik kuikwan muken treek køntraimpe martrap kaimaik køn. Bibliape trupurap eshkan: “Trune tru larrø kaig møgueløba, katø tabzhig wamincha kaigyu kegørrøsrkøbeløbabe treetøguen kømø, purø kailøguen misrøb amrrun” cha (2 Timoteo 3:13). Leu Génesis 3:23, 24.
Trupe, ¿Jeupa misakmeraimpurø isua martrap kuikwan yantø marøp kømui intik køchinta? Kah, treekpe isumuik køn, kakentø nøpe Marampurap Marøpik kua, chi martrap taikpe kaimamøtø maran (Isaías 45:18). Wentøsrø, tru pølpasrøyutø Tiuspe nø maik warøntrai isuikwan misakmeran katøle øyeek warøntrai martrun. Leu Mateo 5:5.
3. ¿Katøle latrø tap Pirøchik køntrai mantø martrera?
Tius Nø Aship Karup Wainuk Jesús Aship Karup Wapik, nøpe Pirøwan latrø tapchik køntrai martrun. Armagedónyu kuayawa ángelesmerapa misra, Tiuswai tsalø ashipelan ke pinishintrun. Truyukutrimpe, kaik ángel Satanás, Adánwan Evanpa mørmøntrai marøpikwan, mil pilamerakatik keera wantrun. Kailan chishtø pinishipyu Jesúspe Tiuswai misakmerane pera aship, purømisrøp pasraikkutri øsik puraamtrun. Ik yantø chap purep ipen, latrø tap Pirøchiku manakatik øsik warøntrun. Leu Apocalipsis 20:1-3; 21:3, 4.
4. ¿Kiship waramik mana patsøntrera?
¿Tiuspe kaik marilan mana pinishintrera? Truik chap pup atrik ashchap, Jesús chitø kenamisrtrapikwan chap eshkaik køn. Møi kualømmera latrø trømpøik purø pasraikpe, yantø srape kualømmerayu waraik kenamarøp pasran. Leu Mateo 24:3, 7-14, 21, 22.
Jesús mil pilamera ørøpa srømpalasrønkutri yu Pirau aship karup wainuk, nam kiship warøntrai marøpikwan patsøkøp intrun. (Isaías 9:6, 7; 11:9). Aship Karup Pasrapiktø kømøtø, Latrø Nu Sacerdote køntrapik kuik køppe Tiuswan untarapelai kaik marilan ketrantrai martrun. Inchawai, Tiuspe Jesúswainukkutri kuantrø kawai, kølliramik kawai, kuamikwan kaantrai martrun. Leu Isaías 33:24; Hechos 24:15.
5. ¿Latrø tap Pirøchiku mumera warøntrera?
Jeupawaiwan waminchipelø tuluntsunik yau, Tiuswan untarapelø incha nuimpurø martrap isupelø treek misakmera nepua ashchun
Tiuswan møra marøpeløpe latrø tap Pirøchiku warøntrun (1 Juan 2:17). Jesúspe nui wentautø ampupelan kusrenantrai eshkaik køn, køtrømayelan lap amtrai incha Tius tap ashchaimpe chi maramikwan. Møya, Jeupape latrø nu misakmeran latrø tap Pirøchiku øsik waramtik køntrai tamarøp pasran (Sofonías 2:3). Jeupawaiwan waminchipelai tuluntsunik yau amtrupeløpe, mas tap keelø kømik, tap møskalø kømik kusrepelø køn kakentø truyu kutike yaumpuiløpa kanpalatø Tiuswan adorap incha nømasiktøwai Tiuswainukkutri tap wammørøsrailø maik purukupik køtashchap kusrepelø køn. Leu Apocalipsis 15:4.
