KUSRENANIK 9
¿Yaumpuilø mantø kasrak putramik?
1. ¿Metrap aship karup putrapelø maik karuikwan misakmera kasherapen pørik køtrømisrtrai, chincha treek maramik kø?
Jeupawainukkutri latrø tap wammørøsrailø atrupik køn, latrø tap kui mørørap Tius kuik køppe yaumpuilø kasrak putrøntrai intan (1 Timoteo 1:11). Nø kasharamikwan marik køn. Yampuiløpa kasraktø putramik kasherawa kilkawan tamara tratrikpe latrø nuik køn, kakentø urekmeran nøtrøranamik mas tap køntrun. Cristoi wentautø ampupeløpe kasharantrap isuape kilkawan tamara tratramik køn, nøm warainuk metrap aship karup putrapelø maik karupenke. Leu Lucas 2:1, 4, 5.
Kasharaikpe ishukpa møkpa pailø misrinukpe, Tiuspe manakatikwai køntrai ashipik køn. Jeupape, kekpa sraimpa ampumay imay itølulmøntrai intan (Hebreos 13:4). Jeupa kasharawarmeran kan kilka maramikwan tarømisramik tsalø ashipik køn (Malaquías 2:16). Treek kuinkucha, Jeupape kan kilka tarømisramik marpasan, srai kape kek itølulen. Leu Mateo 19:3-6, 9.
2. ¿Mantø kekpa sraimpa untarayap amønamik kø?
Jeupape møkwan ishukwan marøppe møikkøpen palai inchen, purukuntrapik marik køn (Génesis 2:18). Srawan karuntrapikpe møk misak køn. Inchakutri, yawelø palai inchen trantrapikpe nø køn, Tiuswaimpurø kusrenanamik. Nui srawaimpurø untak kuikkutri mur kuincha chikøpen martraptøwai wamik køn. Kasherawarmerape untaktøka pera putrap, kørik palatø waminchip kømik køn. Pailø newan sølkantelø kømuik køppe kasraktø warøntrappe, ulø paymø pesannan kusremik køn. Leu Efesios 4:31, 32; 5:22-25, 33; 1 Pedro 3:7.
3. ¿Kasherawar warainuk chikøpen tap kømíik purep pasrøpen tarømisramik kø chintera?
Masken pailø tap kømui amøñape, trantramik køn pailø untarayamikwan (1 Corintios 13:4, 5). Kasherawa warainuk chikøpen tap kømíik purep pasrøpen tarømisrtraimpe, Bibliape eshkamíik køn. Leu 1 Corintios 7:10-13.
4. ¿Urekwaimpurap Tiuspe chi isupik kø?
Jeupa urekteløkutri tap amøñintrai kusrenanøpik køn, kakentø ñi kasraktø uñchai ashipik køn; nøpe møskalø chitø nepua ashipelø kuikwan, ñikucha nepua asha kusrentrai intan (Colosenses 3:20). Jeupape nuyelan ñi marøp kasraktø uñchai intan. Leu Eclesiastés 12:1; Mateo 19:13-15; 21:15, 16.
5. ¿Mantø pukuntrera møskaløpe urekmeran kasrakelø køntraimpe?
Urekmera mamikwan, pula pøntramikwan, kan ya tøkakøntraimpa møskaløpe kualamik køn (1 Timoteo 5:8). Trutø kømø, Tiuswan tap nepua ashchai, untarantrai kusrenanamik køn (Deuteronomio 6:4-7). Møskalø Tiuswan untarapelø køpen, urekmerakucha nøm latawai martrap isuntrun. Møskaløpe urekmeran Bibliayukutri kusrenanøp nøtrøranape, nøm tap isua marøpelø køntrai purukuntrun. Leu Efesios 6:4; Proverbios 22:6.
Urekmeran tap kui mørtrai purukumik køn, nøm tap marilaimpurap unkua tamik køn. Kanmay møskalø urekmeran mur pøntramisra kusrenanamik køn, kaik maywan metratrawa ammøntrai (Proverbios 22:15). Urekmeran sølwan martrai kusrenanøppe, namiktøka lástimakei ni latrø trømpøikpe marmumik køn. Leu Colosenses 3:21.
Jeupawaiwan waminchipeløpe, møskalai urekmerai pørin kilkamera wesruik køn, Bibliayukutri purukuntrap. Leu 2 Timoteo 3:15-17.
