Kørørtrap:

• Partitura

1. 1. Ñiken chitøka pasramikwan isu,

   latrø tap pirøyu pasrøwa lataik.

   Kiship waramik chi keik,

   yu mukucha pusrkuapik chi keik køn.

   Uremera kasrak eshekøp waran,

   mayelø isumø kasraktø amønan.

   Tru chu ampatøkucha,

   misakmera untakwan nepua asan.

   Nampe nepua ashchun,

   Jeupa untarapik kui

   tru tap Pirøchiku.

   (CORO)

   Kan nak urek lataik køn

   kan pøsrpilapik latailø køn,

   trantrap misriløpe trektøwain køn

   nam øsrøn pøntrai lataik

   tru tap Pirøchiku.

2. 2. Ñiken wepia ash ampumay imay,

   umera pimera tap chak pirø tøkaik.

   Chine wailø tøkaik

   møimpe ñui mantrau ke nøs intan.

   Ñui yawik isølatran,

   ya yana ashmuik, waminchimuik,

   ñi yu pua wai asan

   kappin luship latrø kasrak nun iran.

   Jeupa øyeek martrun

   kuapelan kusrup

   tru tap Pirøchiku.

   (CORO)

   Kan nak urek lataik køn

   kan pøsrpilapik latailø køn,

   trantrap misriløpe trektøwain køn

   nam øsrøn pøntrai lataik

   tru tap Pirøchiku.

   (PUENTE)

   Chi martrap taikpe martrun

   Jeupawai wampe cierton puntrun

   Nøpe tranamik tap kuikwan

   Nam chi tøkakøntrap isuikwan

   (CORO)

   Kan nak urek lataik køn

   kan pøsrpilapik latailø køn,

   trantrap misriløpe trektøwain køn

   nam øsrøn pøntrai lataik

   tru tap Pirøchiku,

   tru tap Pirøchiku,

   tru tap Pirøchiku,

   tru tap Pirøchiku.