“Ñi Aship Karup Pasraikwan yu Pirau trektøwai martrap amø” cha, maya misakmera ikwan Tiuswan miapelø køn.
¿Ikwan paya møra køtitru Ñi Aship Karup Pasraikwan yu Pirau trektøwai martrap amø? Metrapsrønkutri møyasrønkatik maya misakmera Tiuspa miainuk miapelø køn. ¿Chincha? Kakentø Jesúspe nui wentau pøntrapelan miantrikay taik køn: “Ñi Aship Karup Pasraikwan yu Pirau trektøwai martrap amø”.
Srøtøpe, Tius Nø Aship Karup Waikwan Jesúswai wentau pøntrapelø tørtø nepua ashchap kaiman. Treekkutri nun paya mørik køn: “¿Señor, Israel misaamera merrabsrø nøm ashib karub tøgagúig købigwan katøle treetøwei nøm karub tøgagømig punrrai møi yan tamara pasrtraindirru?” cha. Jesús nømun chishtø nepua eshkamupen kuara asha køtrømisrik køn (Hechos 1:6, 7). Ik eshkaikwan, ¿nampe chishtø nepua ashmøntrauta Tius Nø Aship Karup Waikpe chi kui? Incha, ¿chu uras attrap kui? Øø, ikwan chishtø nepua ashchun.
Ik kilka pørinuk chi paílan løtøntrun:
¿Tius Nø Aship Karup Waikwan chincha palai pøntrapra?
¿Tius Nø Aship Karup Wainuk mu Karupik kø?
¿Yu Pirau Tius Nø Aship Karup Waik mana pølpasrtrera?
¿Tius Nø Aship Karup Waikpe chi martrera?
¿Chinchakutri møinkutrimpunø nam purukumik kø Tius Nø Aship Karup Waikwan?
¿Tius Nø Aship Karup Waikpe chi kø?
Trektøwai ash
ENSEÑANZAS IMPORTANTES DE LA BIBLIA
¿Tius Nø Aship Karup Waikpe chi kø?
Jesús yu Pirau uña, Tius Nø Aship Karup Waimpurap mas waminchip kusrenanik køn. Metrapsrønkutri, Cristoi wentautø ampupeløpe Tius Nø Aship Karup Waik yu Pirau trektøwai martrap amø cha miapelø køn.
