Jesús trentaik køn: “Misaamerabe katøgan peg misaameraba kwayaben, katø rey karumburab ashib karuim piraueløbe katøgan reywei misaameraba kwayanrrun cha. Trune pirø purø trømbøig kønabelø arrumba, chu pirausrøn køben parø amrrumba, kaig kwanrrømera [attrun]” (Lucas 21:10, 11). Ilø purep mentøpen, kan kan, itøtø itøtø amtrupen, yantø Tius Nø Aship Karup Waik lutautø palai attrun. ¿Øyeelø aship køpra chinta? ¿Ik Pirau øyeelø pup atrup chintera?

1. KUAYAILØ

1914 pilasrø manaken øyeek kuayaik asimíik purayaik køn. Øyeelø purayailan pørøpeløpe trentaik køn tru pilamerawan purø isumtik purayaik køn cha, kakentø ik kuayainuk maya misakmeran kalø puik køn. Truyupe iløtøka kuayaik køn: tankesmeratøka, bombasmeratøka, incha misakmeran kuetchip srutriløtøka. Incha Segunda Guerra Mundialsrømpe bombas atómicas taik kenamisrik køn. 1914 pilamerasrønkutri misakmerape ampukutri ikkutri kuayailø asik køn, incha ikpe purø nu misakmeran kuetsik køn.

2. PIRØ KØNILØ

Enciclopedia Britannica Academic ikyu eshkan, pilamørik 100 piejestø køn kønan, Pirø ørø chikøpentø nøtrø mintiship. Katøkanpurappe Estados Unidoskutri Servicio Geológico trentan: “1900 pilamerasrønkutri nepua ashen, pilamørik 16 piejestø køn purø mur pirø kønilø attrap kui munirer”. Møiløpe trentan møyasrønkucha trektøwai nøtrø pirø kønap pasrømøn cha, masken ikwan tørtø nepua asher møi kualømmerawan. Inchentø, møyasrømpe pirø køniløkutrintø purø nu misakmera chi martrapkøn kaima kishipkøn, trektøwai nøtrø kuapkøn.

 3. MAMIK KAAKEN

Pirø ørø mamik kaakøppe ikyukutri kaaken: nøtrø kuayapeløkutri, an kapen, karup pøntrapelø tap katøramuikkutri anwan, chikøpentø wailø pinøpen. Programa mundial de alimentos eshkan: “Pirø ørøpa, 821 millones misakmera parø puraampupelø køn, incha iløyukutri, 124 millones misakmera kuantraptelø waran” (2018 Year in Review). Pilamørik parø atrikkutri 3.1 millones urekmera kuapkøn. 2011 pilamerasrø atrikkutri 45% katik urekchelø kuapkøn Pirø ørøpa.

4. KUANTRØMERA

Organización Mundial de la Salud eshkan: “2000 pilamerasrønkutri Pirø mupa kuimpurap nu kuantrømera pun. Cólera incha fiebre amarilla ik kuantrømera katøle kenamisran, trektøwai srøitø kuantrømera: síndrome respiratorio de Oriente Medio, ébola incha zika kenamisrøp intan”. Inchentø científicosmera incha kuantrø tamarøpelø nepua aship kuintøkucha, ik kuantrømeran tamartrap kaima køn.

5. PIRØ ØRØPA TIUSWAI WAMWAN WAMINTILØ

Jesúspe ilan chap eshkaik køn: “Tius nø ashib karub waigwei tabig srø wambe yu pirau pirø muba kuimburab chi misaamerandøgucha eshkab kusrenanig kønrrun, chigúi nebua ashchai misaamera. Inchen yandø srabe kwaløm punrrun” cha (Mateo 24:14). Maya yu Pirau purø trømpøik purayaintøkucha, 8 millones misakmera pøtøkatan chu waraimpurap Tiuswai wamwan kusrenanøp ampupkøn, 240 paísesmerasrø incha pek pek wammay. ¡Manaken øyeekpe ashmuik køn!

Jesús chi puraintrapikwan wamintik møya chishtøpa purep pasran. ¿Chincha ikwan isumik kø? Kakentø, Jesús wamintikwan isukun: “Øyeetøwei ñim iilan purayai ashabe, Tius nø ashib karub pasraibe yandø lutau kuitamab isua kuy cha” (Lucas 21:31).

Jesús puraintrapikwan eshkainuk incha Biblia maik eshkainuk 1914 pilasrø Tius Nø Aship Karup Waikpe srømpalasrønkutri karup pølpasrik køn. * Tru pilasrø nui nusrkai Jesucriston karup wantrai pasrik køn (Salmo 2:2, 4, 6-9). Yana palømøn, Tius Nø Aship Karup Waikpe yu Pirau aship karup wantrai incha pinishintrun yu Pirau karup pøntrapelan trektøwai ik Pirøwan latrø tapchik martrun, nam manakatik øsik warøntrai.

Yana palømøn, namun Jesús Tiuswan miantrai eshkaikwan puntrai: “Ñi Aship Karup Pasraikwan yu Pirau trektøwai martrap amø, srømpalasrø latawai yu Piraukucha, ñi maik maramtik køpen, treekwai marik køntrai” (Mateo 6:10, TNM). Trupe, ¿1914 pilasrønkutri Tius Nø Aship Karup Waikpe chi marøp pasreira? Incha, ¿maya misakmeran karup pasramisren chi martreira?