¡DESPERTAD! No. 2 2018wai | Doce purukuilø yaumpuilø kasrak putramik
Doce purukuilø yaumpuilø kasrak putramik
Møin kualømmerawan nakchak umpu putrainuk køtrø minchip pasran, inchentø ¿møiløpe chinchakutri katøkucha nakchak umpu kanpalatø putrapelø kø? ¿Chitre purukupik kera?
1990kutri 2015katik Estados Unidossrø, misakmera kasherawa 50 pilamera tøkarkutrimpunø tarømisran ikpe pamayken nu nemisran. Trutø kømø, misakmera kasherawa 65 pilamera tøkarkutrimpunø pønmayken nu nemisran.
Møilø especialistaspe trentan: urekmeran chiyutøkucha tap kuilø køn cha unkua tamik køn. Møiløpe murtø katørantrai wamintan. Møskaløpe yantø chi maramken kømui pøntran.
Matsøreløpe kølelø misrape chikucha marmøntrap lataik intan.
Inchentø chu urastøkucha treek kømøntrapik køn.
Kasherawa pøntrainuk kasrak amøñintrun incha yana warøntrun.
Møskaløpe untaktøka kusrenantrun nømui urekwan.
Matsøreløpe kølelø misra amønainuk tap martrun.
¿Chi purukuntrera? Ik kilka pørinuk ¡Despertad! Doce purukuilø yaumpuilø kasrak putramik, nakchak umpu kasrak putramik wetøtrantrun.
1 Chi atrinkucha pailø pøntrainuk tarømisrmø
Pøn purukuilan asay, kasherawa pøntrainuk purø tapik manakatikwai køntrai.
2 Chiyutøkucha pailø misra marøp
Ñim kanpalatø warapentø, chikøpen maramik køpen kantø isua marmøn
3 Kørikpala marøp
Pailø misrinuk ampukutri ikkutri kørikpala pøntramik mantø waminchap maramikwan kusreu.
4 Kalø marilan pesannap
¿Pailø misrinuk ñui linchaikwan kalømerantø ashmumik chi purukuntrera?
5 Ampukutri ikkutri tsøntatø tap mørøp wamintikpe
Pøn purukuitrawa urekmeran mas pulu pøntramik purukuntrun
6 Kalø ammøntrai tammay waminchip kusrenanan
¿Kalø ammøntrai waminchip kusrenanane unekpe tap kømui mørtrauta?
7 Sølkantø amtrai tap wammera kusrenanøp
¿Ñimui urekmeran chi søl maramelan kusrenanamik kø?
8 Tapelø kenamarøp
Møskalø, ñimui urekmera møra tap martraimpe, tap kenamariktøka kusrenantrun.
9 Ñitøwai mu kui tap nepua ash
¿Matsørelø srusralmera chincha purømisramik kø nøm køreilan?
10 Kørentrai tapik kenamarøp
Ñui møskalan tap confianzan kanantrappe mas latrø nuik køn ñim kølelø misra.
11 Kuallik misak kømik
Unøkutri kualam kusrewape kølirapen chikøpen maramik murik kømøntrun.
12 Øsik uninuk srøilø maramik
Chikøpen tapelan nepua martrap isuikpe ñiasiktøwai kasrak uñip, katøkanelan mas trak kemalamik purukuntrun.
Nakchak umpuilan katøkuchi purukumik
Bibliayukutri tap wammera nu purukuntrun, kasherawa yaumpueløpa kasrak putramik.
