Kørentrai tapik kenamartrappe chi martrai karuikwan marøpik, chi martrap misrikwan marøpik, chu urastøkucha cierton waminchipik kømik køn. Treek marape, nui møskalan, linchipelan, lutøyu kørentrai kenamarøp pasrøntrun.

Chu urastøkucha ñun mas lelatsik køntrappe ñiasiktøwai tap isua marøp pasrau.

“Nui møskalø ñun kørentraimpe chu urastøkucha chi marøp pasrainuk latrø tap kenamaramik køn. Nui møskalai malautø kømøtø, nachak umpu, wampisrønkucha” (Sarahi).

BIBLIA CHI TAIKWAN: “Maig købraitashchab ñimasiitøwei paya mørøb inday” (2 Corintios 13:5).

Ñi møskalø ñun mas kørentraimpe ik tap wammera pørilø purukuntrun ñun mas køremtik kui nepua ashchai.

Chu urastøkucha tørwan eshkau. Ñi isa waminchene misakpe ñun katøyupe køremøntrun, pero chu urastøkucha isa kømøn cierton waminchen, kanmaype pellinkucha, katøkaneløkucha ñune kørentrun.

“Ñuimpuraptø tap intraptik køpene, isa kømøtø cierton wamintan. Inchen chikøpen trømpøtik puntraptik køpene, cierton wamintamik murik køntrun” (Caiman).

BIBLIA CHI TAIKWAN: “Katø chiyutøgucha nambe tabig marøb melønrrab isua meler” (Hebreos 13:18).

Chi martrai karuikwan maramik køn. Kan encuesta Estados Unidos marinukma 78 % nøtrø kusrepelø recursos humanosyelø trentan: “Chiyukøpen tap lutø wetøtrantrappe, chi martrai karuikwan marøpelan lapelø køn”. Martrai karuilan pek kømø marøpik kuape, ñi køllik pasrøwakucha, murik kui mørmøntrun.

“Nai møskalø nan chi martrai karuikwan katøyuk, katøyuk eshkaintøkucha, na marikutrintø, nai møskaløpe nan kørentrun” (Sarah)

BIBLIA CHI TAIKWAN: “Na maig taigwan møra martraitamab isua pørar, katø na maig taigwandø kømøtø, katøguchinguen tabig martraitamab isuague” (Filemón 21).

Tsøntatø munirau. Kan misakwan wampikpuraptøpe pestø nepua asamtik køpik køn nø yunømarilan. Inchentø cierton srønaraitaschap asamikpe utømera purepken kuintø nepua asamik køn.

“Nui møskalø kape katøkan misakmerakucha, ñun chu urastø kørentraimpe muniramøta. Treek kømøtø, chu urastøkucha ñun martrai karuikwan møra marape, tsøntatø tsøntatø marinuk ñun kørentrun” (Brandon).

BIBLIA CHI TAIKWAN: “Iigwan kewa lataig pønrray: [...] maig køben kuingucha tammay megabig kømigwan køben” (Colosenses 3:12).