Ñi maik kuipe ñui munchitø kømøn kape ñi maik kuikwan asiktø kømøn. Treek kømøtø, masken ilø køn: mariløyu, isuiløyu, køreiløyu, wamintiløyu.

Ñi mu kui tørtø nepua asha pasrainkatikpe ñi køreilan muken yunømartraimpe pasrømøntrun. Trektøwai katøkan matsørelø mømay køpentø sruamtraintø pøntrømøntrun.

“Møilø misakmerape muñecos latailø køn nømasiktøken tapken isumelø køn pula pøntrainuk maik tamaramikwan” (Adrian).

“Murtik kuintøkucha nape kusrer tapikwan purømisramik. Nai linchipeløpe møilø kui tørtø nepua ashar nømpa lincha amønainuk nøm mailø kui na maik kuinuk” (Courtney).

BIBLIA CHI TAIKWAN: “Møin kwaløm pirau maig pub arrubigu ñimgucha trumay ambub pønrrønrrab kømøtø pønrray. Treeg kømøtø, Cristogurri ñimui srøig pekmay isuitøga ñimui amønamigwan yunømariilø kuy” (Romanos 12:2).

Møya ñitøwai mu kui nepua ash. Trektøwai wentøsrø chi køntrap isuilan nepua ash. Chimerayu mur pasraikwan, chimerayu kullak pasraikwan, ñi køreilan. Ñitøwai ilan paya marøp pølpasr.

¿Chimerayu mur pasrøpra?: ¿Chimerayu mas tapik køpra? ¿Kualinuk chu uras pumikwan treek pupik køpra chinta? ¿Trektøwai, katøkanelan chikucha merik inchimø purikupik køpra chinta? ¿Chimerayu tapelø marøpik køpra?

IKWAN MARTRAP ISUP: Ñi chimerayu tapik kuikwan ñitøwai nepua ashchap kaimappe ñui møskalan kape ñui linchipelan paya mør.

BIBLIA CHI TAIKWAN: “Inchawei ñim møitøgucha chi marigwan ñuimburabigwan søl køtashchab tab isua asamig køn, trumaybe ñibe ñiasiitø tab kui mørøb pasramig kønrrun, na marigwanba, katøgan marigwanba, maig køtashchab ashib pasramig kømøtø” (Gálatas 6:4).

¿Chimerayu kullak pasrapra?: ¿Nai øsik uninuk chimerayu tamaramik pala? ¿Chu uras kailan martrap isupik køpra? Chiyutø nai namik køpikwan chikøpen martraptø, ¿tap isua maramik kø?

BIBLIA CHI TAIKWAN: “Nambe ‘chi kaig marig chigar ker’ chib pønrrøwabe, namasiitøwei kegørrab pønrrøben, tru newan ciertoniibe namuinug pasrømøn” (1 Juan 1:8).

Na køreilan: ¿Chi tap wammera purukuntrera nai øsik uninuk tap unamik? ¿Chincha? ¿Na Tiuswan kørepik køpra chinta? ¿Chimeratø nepua asha pasrøpra Tius ciertonik kui? ¿Chimeratø tap kømui ashipik køpra? ¿Chinchakutri? ¿Na wentøsrø chi puraintrapikwan maik ashipik køpra?

BIBLIA CHI TAIKWAN: “Inchen tru tranrrø mamibe tru Tiusweimburabigu yandø ne nørrørawarwein køn, tru chi maramigwan yandø trendø mara ashibelø tru tabigwanba, kaigwanba maig kuigwan tab chigúi mørøbelai” (Hebreos 5:14).