Bibliape eshkamíik køn tru Armagedón kuayaikpe kan pirausrøntø køntrap kui. Masken, Bibliape eshkapik køn truyu Pirau maya aship karup putrapeløpa Tiuspa kuayaik kui.

•   “Iiløbe kwaimandziimerai møsiimera købig køn [. . .]. Truiløbe pirø ørøba maya reymeraisrømay webambubelø køn, kwayamig truilan tulundzuningarunrrab, Tius Newan Maramburab Marøbigwei tru purø nu kwaløm kwayamig [. . .]. Incha truiløbe tru reymeran tru hebreomaybe Armagedón tainug tulundzuningarubelø køn” (Apocalipsis 16:14, 16, Tius Namun Waminchip, Wycliffe Inc.).

 “Armagedón” wampe Hebreomaype Har Meghiddóhn køn, “tru Meguidó tunwan” treek wamapelø køn. Meguidó tunpe metrapsrø Israelsrø pasrapik kuikkutri, møiløpe treek isupelø køn tru Armagedón kuayaikpe Israelsrø pølpasrtrap kui. Inchentø Meguidosrø Asiasrønpape “Pirø ørøpa maya reymerapa” nui ejércitosmerapape kentrap keik køn.

 Bibliayu apocalipsiswan pørikyupe “chikøpentø kenamarøpelan”, pørilø tøkaik køn (Apocalipsis 1:1). Treekkutri, Armagedón kuayaikpe kan pirausrøntø kømøn, masken Pirø ørøpa maya aship karup putrapeløpa Tius Nø Aship Karup Waikpa kanpalatø misra yantø srape kuayaik køn (Apocalipsis 19:11-16, 19-21).