“COVID-19 Pirø ørøpa yantø chap purayan tainkucha chap patsantamikpe kaken, katøle øyeek kuantrø Pirø ørøpa atrupen chi maramikwan tap asha pøntramik køn” (Tedros Adhanom Ghebreyesus, director general de la Organización Mundial de la Salud, 22 de mayo de 2023).

 Latrø yam misakmera tru COVID-19 kuantrø tranikkutri katøkucha nømui isupiku nømui asru mintisaikwan tøka amønan. Tru aship karup putrapelø incha chish øsik amønainuk tru institucionmerakucha katøle øyeek kuantrø atrupen ¿Chi maramikwan ashaken køchinta? kape ¿Møi kuantrø amtrupelankucha tamartrauta?

 Bibliape trenchipik køn “srømpala wap Tiuspe kan aship karup wamik pasrtrun” ik Aship Karup Waikpe chish amønamik køntrai martrun (Daniel 2:44). Incha “yu piraupe muken kuantrø tsur chimøntrun” (Isaías 33:24). Mutøkucha latrø chish amøñintrun latrø urektelø latailø.