Kuayailøpe pirø ørøpa trømpøik mintiship atrun incha maya misakmeran pusrkuananøp isuintik putrøntrai marøp. Ashkun ikpurap wammørøsraikwan:

•   “Kuayaikkutri marik pila Etiopíapa Ucraniapa latrø nu misak kuaik køn 1994srønkutri treek puraimuik” Instituto de investigacion para la paz de Oslo 7 de Junio de 2023.

•   “2022wai Ucraniasrø kuayaik truiktø kømøn trømpøik mintishipipe. Pirø ørøpa marik pila políticakutri kuayaikpe 27%katik nemisrik køn incha 1.700 millones misakmeran trømpøiku puraampunkaruik køn” Proyecto de datos de localizacion y eventos de conflitos armados 8 de Febrero de 2023.

 Bibliape tammay muniramikwan purukupik køn. Bibliape trenchipik køn: “Srømpalasrø wap Tiuspe kan aship karup wamik pasrtrun, manaken pinøntrapikkeik” (Daniel 2:44). Tru aship karup waitrawa Pirø mupa kuimpurap kuayailan Tiuspe patsøkøntrun” (Salmos 46:9).