Naciones Unidas eshkaimpala:

•   7 de octubrekutri 23 de octubrekatik 2023wai, Gazapa Israelpa kuayaikkutri 6.400 misakmera kuapen, 15.200 misakmerape køtrintilø køtrømisrik køn; ik misakmerayukutri kuayainuk purukup pøntrømelø mas køn.

•   Rusiapa Ucraniapa kuayaik pølpasrinukkutri 24 de septiembre 2023katik, Ucraniasrømpe 9.701 kuayainuk purukup pøntrømelø kuapen, 17.748 køtrintilø køtrømisrik køn.

 ¿Trømpøik kuayaikkutri kalø puinapelan Bibliape chi tapik attrapikwan eshkapik kø?

 Bibliape eshkapik køn, Tiuspe “Pirø mupa kuimpurap kuayailan patsøkøntrap” kui (Salmo 46:9). Yu Pirau maya aship karup putrapelan yunømartrai, Tiuspe kan aship karup wantrapikwan wesruik køn (Daniel 2:44). Tius Nø Aship Karup Waikpe maya misakmeran pishintø chi isumø warøntrai martrun.

 Jesucristo Aship Karup Wapik chi martrap kuikwan ash:

•   “Kakentø nøpe kan waacha purukutra cha miapikwan, trektøwai køtrøtikwan lata, mu purukuntraptik chikeikwankucha purømisrtrun. Køtrøtikwan lata waachawankucha lastima ashchun, waachamerai øsik amønaikwan purømisrtrun. Nømun kaik indinap melainukkutrimpa kuayap namik chine mariløyukutrimpa wesrantrun, incha nømui animpe nui kapyu nuway køntrun” (Salmo 72:12-14).

 Tius Nø Aship Karup Waikpe kuayap namik chine marikkutri, yu Pirau purø trømpøik purep pasrapikwan patsøkøntrun.

•   “Nøbe nømui kappimeran kerrigu pinømørtrun cha. Inchen yandø kwamig kawei, kisamig kawei, wamab trasamig kawei, pusrkwabig kawein kønrrun chib. Kaguende merrab chi købiibe chab purayan’ cha” (Apocalipsis 21:4).

 Yanakømuatø Tius Nø Aship Karup Waikpe yu Pirau chinetø purep pasrapikwan tamartrun. Bibliape chap eshkaik køn, møya “‘misaamera katøgan peesrø misaameraba purø trømbøig kørig kømdiig kwayab kweetsiyab køn’ chib,” waminti mørtrap kui (Mateo 24:6). Chinetø yu Pirau purep pasraikpe misak nøm aship karup pøntraik yantø srape kualømmerayu kui kenamaran (2 Timoteo 3:1).