“Purø mur sre pupik incha purø trømpøik pøsr pachipikpa misakmeran, ciudadesmeran, ushameran, tusrmeran incha pimeran patsøkøp atrun. Purø mur sre atrup trømpøik isik ichipikpe yameran mintiship ellmarilan mintiship intan Pirø ørøpa. Purø trømpøik pøsr pachipikkucha nu pimeran kurarankarua ushameran pi umpu putrapelan kuetchip intan” (Inger Andersen secretario general adjunto de las Naciones Unidas y director ejecutivo del Programa de las Naciones Unidas para el Medio Ambiente, 25 de julio de 2023).

 ¿Pirø ørøpa aship karup putrapelø Pirø minchip atrikwaimpurap tamartrap waminchap putramisrtrauta? ¿Nøm mariløpe manasrønkatik tapik køntrai tamartrauta?

 Tiuswai wamyupe waminchipik køn kan aship karup waimpurø tru Pirau trømpøik mintisaikwan tamartrapik. Ikpurap trenchipik køn “srømpala wap Tiuspe kan aship karup wamik pasrtrun”, tru Pirø mupa kuimpurap chi puraipikwan aship pasrøntrapik (Daniel 2:44). Tru Aship Karup pølpasren misakmerape chiwanken mintishimøntrun nøm asitøwai ni Pirøwanken (Isaías 11:9).