Pirø mupa kuimpurap chi palapikwan lamik mas murik køn pøl patsik mørik:

•   Kan møya wammørøsraik eshkaik køn a “pøl mørik pagaraik mas lamøtø kui”. Eshkaik køn chi maramik keik køn kontrun cha, mas wachameran køntrun cha incha yaumpu chi palapelan penamik mas murik køntrun cha.

 ¿Pirø ørøpa an keik, penamik murik kuikwan aship karup putrapelø trunun tamartrauta?

 Bibliape trenchipik køn: Kan Aship Karup Wapiktø ikwan chisto tamartrap kui an kakuilan, chi penamikwan, wacha misakmeran chistø tamartrap kui. Trenchipik køn: “srømpala wap Tiuspe kan aship karup wamik pasrtrun” cha, kantø Karup Wapiktø Pirø ørøpa chistø asha karup wantrun (Daniel 2:44). Tru Aship Karup Wainukpe mumkucha wentøpasrik kømøntrun (Salmo 9:18). Tius Nø Aship Karup Waikpe nui misakmeran chistø palapikwan kasrak waramik trantrun. Mayeløpe kualimpurø tapelø utøntrun (Isaías 65:21, 22).