Møya Pirø mupa kuimpurap misakmera kalu mørmøchelø 70 millones øyeek pasrapik køn, treekkutri nømpe tasiktøka wamintikpe 200purap køn. Kanmaype kalu mørmøchelan misakmerape tap kømui inchipelø køn.

•   Asociación Nacional de Sordos Estados Unidossrik trenchipik køn: “Kanmaype Pirø mupa kuimpurap kalu mørmelan kuentakar marøpelø køn cha”.

•   Federación Mundial de Sordos trentan: “Mø paísesmerasrømpe kalu mørmøchelø mas waachamera køp, kusrenanik yaumay ampamik, lutø wetøtramik, chikøpen nepua asamik mas mur køn cha”.

 ¿Kalukarchelaimpurap Tiuspe maik ashipik kø? ¿Kalu mørmøchelaimpurap Bibliape manchipik kø? ¿Møya nømun Jeupawaiwan waminchipeløpe mantø purukupelø kø?

¿Kalukarchelaimpurap Tiuspe maik ashipik kø?

 Bibliape trenchipik køn kalu mørmøchelan Jeupape a nømun tap køntrai isupik kui, incha nømun tap ashchai nø kusrenanikwan utøntrai isupik kui.

 Biblia trenchipik køn: “Kalu mørmíikwan tsalø wamømøta” (Levítico 19:14).

 Biblia trenchipik køn: “Tiusbe møilane ørømara katøganelandø tab inchimøtø lata isubig [køn]” (Hechos 10:34).

 Biblia trenchipik køn: Jesús “tabig srø wam Tius nø ashib karub wainuguigwan eshkab waminchib, […] llirab [yaik] køn” (Mateo 9:35).

 Biblia trenchipik køn: Tru Jesúspe “kalugarwanguen møringarub, waminchimeelanguen wamindingarub” intik køn cha (Marcos 7:37).

 Biblia trenchipik køn: “Kalukarpe mørøpelø køntrun [cha]” (Isaías 35:5).

 Manchatrenta: Isaías 29:18yu Jeupa chap eshkaik køn, kalu mørmøcheløpe katøyu mørtrun cha.

¿Møya nømun Jeupawaiwan waminchipeløpe mantø purukupelø kø?

 Jeupawaiwam waminchipeløpe, Tiuswai tap srø wammeran Pirø mupa kuimpurap kalu mørmøchelankucha kusrenanøpelø ker. ¿Ikwan nepua maramik chi marøp amtru? Biblian pørin kilkameran, videu mara tasiktøka waminchipelan 100purapkatik lliskøpelø ker. Bibliaimpurap kusrenanøp trektøwai tuluntsunapelø ker, kalu mørmøchelan tasiktøka wamintiktøka kusrenantrap. Øyeek kusremikpe mayelain køn anwai kømøn. ¿Chincha treek marøpelø køpra? Kakentø Jesús karuik køn: “Ñimun øyeeg martrai tranigwan ñimma ka ketig utig køn cha, ñimgucha ka treegtøwei marøppe, anwei marmøtay cha” (Mateo 10:8).

 Ilan aschappe kape køtrørtrappe:

 JW.ORG yu kepintrik. Palasrø tøpøtasrø clic trana lengua de señas trikmay lantrikay.

 Aplicación JW Library tasiktøka waminchipelayasik, ñui celularyu køtrøramtik køntrun. Ñui celularyu køtrøra trupurap tasiktøka waminchipelayasik videumeran aship køtrøramtik køntrun. Anwai kømøn.

¿Tiuswai wamwan kusrenantrap chitøka køpra?

 Biblia tasiktøka waminchipelayasik. La Traducción del Nuevo Mundo de las Santas Escrituras Lengua de señas americanape, tru Pirø mupa kuimpurap tasiktøka waminchipelayasik srøtø wepatrikkutri nø wepatrik køn. Møin kualømmerasrø, La Biblia Traducción del Nuevo Mundo tasiktøka waminchipelayasik mam kuikwan wesrupkøn ( Traducción del Nuevo Mundo de las Santas Escriturasyu taska wamintilan ash, nøørø tarømarikyu pasran kape jw.org yu kepia ash).

•   Biblian tasiktøka waminchipelayasik chi marikwan ashchap videun ash, “La Traducción del Nuevo Mundo completa en Lenguaje de Señas Americano ya está disponible”.

•   Biblian tasiktøka waminchipelayasik mas tap nepua ashchap aplicación JW Library Sign Languagewan køtrør. Ik aplicación Biblia lengua de señasyu kan versículo tap asamik purukuntrun.

•   Dimytro Vitapa nømpe kalu mørmelø køn; nui urekmerape kalu mørøpelø køn. Kualømmørik Biblia lengua de señasmaywan asik nømun mantø purukupik kuikwan ash.

 Videusmera Bibliayukutri kusrenanøpik. Videusmera tasiktøka waminchipelayasik Jeupawaiwan waminchipelø wesrupkøn. Iløpe Biblia maik taikwan tap tør nepua ashchap maramik purukupik køn...

•   Kasharawarwai yawelainkucha

•   Urektelø kølelai

•   Urekmerai

 Kanun kanun Biblian kusremik purukuntrapik. Biblian lengua de señasmay kan kusrenanøpikwan mas nepua ash. Maik kusrenanøpelø kuikwan ashchap miau.

 Jeson Senajonon Filipinassrikwan, Jeupawaiwan waminchipeløpa Biblian kusrep yaik mantø purukupik kuikwan, Tiuswan trak linchipik misramikwan ash.

 Hondurassrø Mario Antúnez kan iglesiayu pastor kuik køn, nepua ash nø paílan wetøtraik. Pørikwan ash “Tenía muchas preguntas y pocas respuestas”.

 Jeupawaiwan waminchap tuluntsuninuk. Pirø mupa kuimpurap taska waminchipelayasik kungrekasiunesmera pøntran. Truyu trunemørik misakmera kalu mørmeløpa tulutsunapelø køn, Tiuswaimpurap kusrentrap trektøwai adorantrap. Pilamørik Biblian kusrentrap latrø nu tuluntsunik marøpelø ker kalu mørmelayasik. Namui tuluntsuninuk kapkeik kalu mørmelan tasku kemøra lengua de señasmay waminchipelø ker. Trektøwai kapkeilayasik pørin kilkamera braillemay pørik køn anwai kømøn.

•   Ñi tsuin pulu wan tuluntsunikwan lau.

•   Pilamørik namui latrø nu tuluntsunikwan nepua ash.

•   Jesús Kuaikwan Isuntrap Tuluntsunik mas nuik køn namuimpurø truyu linchap amø.

 José Luis Ayala Méxicosrø kalu mørmíik kal-laik køn. Trukutri kapkeik køtrømisrik køn. Nø Biblian tap kusrenanøpik køntrai mantø purukuikwan nepua ash.