BO’OLUM To dekɛ la ligeri ta’an eŋɛ maaseŋɔ nyɛ kuɣesi, yetɔɣum magazim, vidiyo lɔɣɔrɔ ge le maasum yɛla ase’a n wan basɛ ti to puurɛ pee. Laɣesegɔ wa woo yetɔɣum la wan soŋɛ tɔ ti to ta’an vurege lɛm Yehowa. Hon wan laɣum dekɛ ligese’a bo la ta’an soŋɛ yɔ sama wa za’a ge me soŋɛ teŋgɔŋɔ wa za’a waabi na’am tuuma la. La wan eŋɛ se’em ti la dɛna naana bo to za’a waabi la, ba dekɛ daɣesi ze’ele laɣesegɔ wa poan zɛ’an woo. Ho me ta’an kɛ̃ intanɛt poan ta bisɛ donate.pr418.com bo bo’olum. To puurɛ pee mɛ la bo’olum woo. Tigere Zuo Bisegadoma la pu’usɛ ho zo’e zo’e la hon laɣum dekɛ ho bo’olum la soŋera Na’am tuuma la.

IMMA’ASUM SOŊERƐ Soso tɛra ti zɛkana wa dela yeledi’ire ma’a.

KO’OM MUSEGA Sɛba n yeti ba muse ko’om zi’irego zɛ’an wan bɔna la nɛŋa kuɣesi la, san daɣena la teeri n boi. Asibidaarɛ bulika, sɛba n yeti ba muse ko’om la dela ba zi’ire bilam ge ti ko’om musega yetɔɣum la nyaa pɔsɛ. Mina woo n yeti a muse ko’om, tari a ko’om musega lɔɣɔrɔ n makɛ ma’a na.

LAƔUM SOŊƐ TUUMA Ho san bɔta ti ho laɣum soŋɛ laɣesegɔ wa poan tuuma, soso keŋɛ Laɣum Soŋɛ Tuuma Wele la ge ba wan pa’alɛ hɔ tuunɛ n boi zɛ’an.

LƆƔƆSETO N BƆREGƐ ZƐ’AN Lɔɣɔseto woo ti ya nyɛ laɣesegɔ wa poan ya tari keŋɛ Lɔɣɔseto N Bɔregɛ Wele la. Ho sɛla san bɔregɛ, keŋɛ lɔɣɔseto n bɔregɛ wele la zɛ’an ta bisɛ dekɛ ho lɔkɔ. Ho san nyɛ bia n bɔregɛ, la dela ho tari en keŋɛ bilam. Ge la wan eŋɛ se’em ti yeledaaŋɔ ana taaba da paɛ to la, soso tana ho kɔma tara, ti ba bɔna ho zɛ’an.

SOŊEREBA Soŋereba la n de sɛba n wan pa’alɛ hɔ sɛla n nari. Soso dɔla ba wan pa’alɛ ho sɛla la, yele yele wuu hon wan pakɛ zɛ’an, hon wan zi’ire zɛ’an ti la da mikera la yɛla ase’a.

ZI’IREGO ZƐ’AN Soso tɛra basɛba me yele. Tɛra ti ho wan ta’an deŋɛ kuka bo la sɛba ti hon la bamam laɣum zom loore, ho deodoma, sɛba n laɣum kɛ̃’ɛra la hɔ bii sɛba ti ho pa’ala ba Baabule la ma’a. Soso da dekɛ lɔɣɔrɔ biŋe kuɣese’a ti ho ka deŋɛ bo nɛra.

Na’am Mɔɔlegɔdoma Sukuu Tɛm woo sore ŋmɛ’adoma n de yuun 23 ta paɛ 65 ge bɔta ti ba yalegɛ ba na’am tuuma ta’an keŋɛ sɛba n boti ba keŋɛ Na’am Mɔɔlegɔdoma Sukuu sɔsega ti ba wan eŋɛ Alaserɛdaarɛ wuntɛɛŋa la. Ba wan te’ele tiɛ tɔ tɛm la zɛ’an ti ba wan zi’ire sɔsɛ.