BO’OLUM To dekɛ la ligeri ta’an eŋɛ maaseŋɔ nyɛ kuɣesi, yetɔɣum maɣazim, vidiyo lɔɣɔrɔ ge le maasum yɛla ase’a n wan basɛ ti to puurɛ pee la laɣesegɔ wa woo yetɔɣum la n wan soŋɛ tɔ ti to ta’an vurege lɛm Yehowa. Hon wan laɣum dekɛ ligese’a bo la ta’an soŋɛ yɔ sama wa za’a ge me soŋɛ tingole wa za’a waabi na’am tuuma la. La wan eŋɛ se’em ti la dɛna naana bo to za’a waabi la, ba dekɛ daɣesi ze’ele laɣesegɔ wa poan zɛ’an woo. Ho ta’an doose donate.pr418.com poan dekɛ ho bo’olum la bo. To puurɛ pee mɛ la bo’olum woo. Tigere Zuo Bisegadoma la pu’usɛ ho zo’e zo’e la hon laɣum dekɛ ho bo’olum la soŋera Na’am tuuma la.

IMMA’ASUM SOŊERƐ Soso tɛ̃ra ti zɛkana wa dela yeledi’ire ma’a.

KO’OM MUSEGA Sɛba n yeti ba muse ko’om zi’irego zɛ’an wan bɔna la nɛŋa kuɣesi la, san daɣena la teere n boi. Asibidaarɛ bulika, sɛba n yeti ba muse ko’om la dela ba zi’ire bilam ge ti ko’om musega yetɔɣum la nyaa pɔsɛ. Mina woo n yeti a muse ko’om, tari a ko’om musega lɔɣɔrɔ n makɛ ma’a na.

LAƔUM SOŊƐ TUUMA Ho san bɔta ti ho laɣum soŋɛ laɣesegɔ wa poan tuuma, soso keŋɛ Laɣum Soŋɛ Tuuma Wele la ge ba wan pa’alɛ hɔ tuunɛ n boi zɛ’an.

LƆƔƆSETO N BƆREGƐ ZƐ’AN Lɔɣɔseto woo ti ya nyɛ laɣesegɔ wa poan, ya tari keŋɛ Lɔɣɔseto N Bɔregɛ Wele la. Ho sɛla san bɔregɛ, keŋɛ lɔɣɔseto n bɔregɛ wele la zɛ’an ta bisɛ dekɛ ho lɔkɔ. Ho san nyɛ bia n bɔregɛ, la dela ho tari en keŋɛ bilam. Ge la wan eŋɛ se’em ti yeledaaŋɔ ana taaba da paɛ to la, soso tana ho kɔma tara, ti ba bɔna ho zɛ’an.

SOŊEREBA Soŋereba la n de sɛba n wan pa’alɛ hɔ sɛla n nari. Soso dɔla ba wan pa’alɛ ho sɛla la, yele yele wuu hon wan pakɛ zɛ’an, hon wan zi’ire zɛ’an ti la da mikera la yɛla ase’a.

ZI’IREGO ZƐ’AN Soso tɛ̃ra basɛba me yele. Tɛ̃ra ti ho wan ta’an deŋɛ kuka bo la sɛba ti hon la bamam laɣum zom loore, ho deodoma, sɛba n laɣum kɛ̃’ɛra la hɔ bii sɛba ti ho pa’ala ba Baabule la ma’a. Soso da dekɛ lɔɣɔrɔ biŋe kuɣese’a ti ho ka deŋɛ bo nɛra.