“Vom zanɔɔrɛ la me dela zanɔɔrɛ mika, ge te de sore la me mike. Nɛreba fiin wa n nyɛ dɛ.”—Matu 7:14

To eŋɛ la wan baŋɛ ti daɣɛ pu’usegɔ woo ti Naayinɛ bɔta?

• Matu 7:21-23

  Daɣɛ pu’usegɔ woo ti Naayinɛ bɔta ba yele. Daɣɛ pu’usegɔ woo n tuni Naayinɛ puti’irɛ n boti sɛla.

• Matu 7:13, 14

  Yelemɛŋɛrɛ pu’usegɔ tari nɛreba yɛa la vom poan. Pumpɔreŋɔ pu’usegɔ tari nɛreba yɛa la sa’aŋɔ poan.

• Matu 7:16, 17

  Ho wan ta’an baŋɛ yelemɛŋɛrɛ pu’usegɔ doose la ba tuuma poan. La ka nari ti ho zamesɛ pu’usegɔ woo yɛla; yeen zamesɛ Baabule la n pa’alɛ sɛla la.

• 1 Tesalonika 2:13; 2 Timoti 3:16, 17

  Sakɛ ge pa’ala sɛla n boi Baabule la poan ma’a.

• Matu 4:10; Yon 17:6

  Pu’usa Yehowa ge tara a yu’urɛ la tuna tuuma.

• Yon 13:35

  Tara yelemɛŋɛrɛ nɔŋerɛ bɔ’ɔra ya taaba.

• Yon 3:36; Tooma 4:12

  Nana Yezu. Naayinɛ doose la Yezu poan fãɛ to basɛ.

• Yon 18:36; Tooma 5:29

  Da dekɛ homea laɣum nalɛɣerɛ yɛla poan.

• Matu 24:14; 6:10

  Pa’alɛ nɛreba ti ba baŋɛ ti Naayinɛ Na’am la ma’a n wan maalɛ to yeledaaŋɔ.

Ho wan eŋɛ la wani ti Naayinɛ nam ho pu’usegɔ?

• Yames 2:19

  La ka seke la hon yeen tara sakerɛ bɔ’ɔra Naayinɛ la. La nari ti ho ita sɛla n boi Baabule la poan la.

• Isaiah 52:11; Liligere 17:5

  Pumpɔreŋɔ pu’usegɔ bii “Babylon Kãtɛ La,” pa’ali nɛreba ti ba pu’usa Naayinɛ sore sɛka n ka nari poan. Pumpɔreŋɔ pu’usegɔ pa’alegɔ a se’a dela Tirinitaasoŋa (Trinity), sia n ka kiiri la teŋmɔlega.

• Liligere 18:4, 8

  La kan yue Yehowa wan sa’am pumpɔregɔ pu’usegɔ woo. La nari ti ho zaɣesɛ  pumpɔreŋɔ pu’usegɔ woo.

• Mark 10:28-30

  Danse’ere nɛreba wan yaɛ hɔ ge Yehowa kan malum tamɛ ho yele.