5. Lua Bunɔ La—Naayinɛ Bo’olum N Gani Za’a
1 LUA BUNƆ LA PAKƐ TO ZA’A MƐ
‘Asaala Dayɔa wa’ana . . . dekɛ a vom yɔ to’e nɛreba kekeko bahɛ.’—Matu 20:28
Bem zuo ti lua bunɔ la pakɛ tɔ?
-
Adam n yuun ka kelese Naayinɛ la, eŋa la Yehowa bɔŋa la yuun sa’am mɛ, a yuun ka le ana kasi ge ti a Paradiisi yire la me yuun pĩɛ a nu’usin.
-
Adam n eŋɛ sɛla la n sɔi ti be’em la kum taɛ tɔ.
-
Yehowa doose la lua bunɔ la fãɛ to yese be’em la kum poan basɛ.
2 YEHOWA N BO TO LUA BUNƆ LA
“Yenɛ n . . . daa tom a Dayɔyeŋa teŋa wa zuo na. Te enŋa zuo te to wan tara vom.”—1 Yon 4:9
Yehowa yuun eŋɛ la wani bo to lua bunɔ la?
-
Se’em ka boi n wan nyaŋɛ yɔ to’e vom la n yuun ani kasi ge pĩɛ Adam nu’usin la.
-
Yehowa yuun basɛ ti ba dɔɣɛ a Bia wa teŋgɔŋɔ wa zuo ti a ana kasi.
-
Naayinɛ n yuun isige Yezu la, a yuun zom la saazuo sa nyaa dekɛ a vom la ti a ki bo to la bo Yehowa.
3 LUA BUNƆ LA BASƐ TI TO TARA LA BEERE SA’AM PUTI’IRƐ
“A wan duuhe ba nintam ba nini poan bahɛ. Kum ka maan bɔna.”—Liligere 21:4
Bem nyuurɔ ti to wan nyɛ lua bunɔ la poan?
-
To wan nyɛ sugurum dia.
-
To wan tara putɛsonɛ la Naayinɛ.
-
To tari daarewoo vom puti’irɛ.
-
Lua bunɔ la pa’alɛ ti Yehowa la Yezu sirum nɔŋɛ to mɛ.
4 LA NARI TI TO SAKƐ BO LUA BUNƆ LA
‘Na’ayenɛ . . . dekɛ a dayɔa ma’an tehɛ te se’em woo n nam en, a wan tara la vom n ka tare ba’ahegɔ.’—Yon 3:16
To wan eŋɛ la wani pa’alɛ ti to nini tiɣɛ la Naayinɛ n bo to lua bunɔ la?
-
To baŋɛ Yehowa la Yezu ge tɔɣesa ba.
-
To kena Krista Kum Tiirɛ la yuunɛ woo.
-
To da yeen yeti to sakɛ bo Yezu. To ita Yezu n pa’alɛ tɔ ti to ita sɛla la.
