“Kum pon ka mina sɛsɛla.”​—Pa’ala 9:5

Nɛra ni ki ana la wani?

• Yooma 146:3, 4; Pa’ala 9:6, 10

  Nɛra san ki a ka nyɛti, a ka wuni ge me ka ti’isa.

• Yon 11:11-14

  Yezu yuun dekɛ kum makɛ la guum.

“Ge da makɛ di tisɛka n woni wɔla se’a n tare som la be’em yam la wɔla la. Daanse’ere daarɛ te ho di tikana wa wɔla la, ho wan ki.”​—Pin’ileŋɔ 2:17

Beni n sɔi ti to kiira?

• Pin’ileŋɔ 3:1-6

  Sitaana yuun pã’asɛ Hawa ti sɛla kan eŋɛ en a san zaɣesɛ Naayinɛ nɔɔrɛ. Adam la Hawa n yuun zaɣesɛ Yehowa nɔɔrɛ la, ba yuun ki mɛ.

• Pin’ileŋɔ 3:19

  Adam n yuun ki la, a yuun ka boi zɛ’an.

• Arom 5:12

  Be’em ani wuu bãyaalega ti to yia dɔɣereba la dekɛ taɛ tɔ. Ba dɔɣɛ to la be’em poan bala n sɔi ti to kiira la.

• 1 Korint 15:26

  Baabule la yeti kum dela dima.

“Saaleba han ki, ba wan le vo’e? Mam wan gura . . . te n ta nyɛ vo’ohogo.”​—Yob 14:14

To boi fai la wani la to mi kum n ani se’em la?

• 1 Yon 4:8

  Tinmɔlega pa’alegɔ la dela tuurɛ bɔ’ɔra Yehowa. A kan malum basɛ ti nɛreba mɛlesa bala.

• Liligere 4:11

  Nɛreba zo’e zo’e zoti la kum, bala zuo n sɔi ti ba basɛ Yehowa ge tuɣum na’asa kum la. Yehowa n de yelemɛŋɛrɛ Naayinɛ, bala la nari ti to pu’usa eŋa ma’a.