ZASEŊƆ 2
Basɛ Ti La Dɛna Sɔsega
2 Korint 2:17
YELEKPINE: Tɔɣera ho puɣum ni tɔɣera se’em la, bala wan pa’alɛ hon wum dama se’em bɔ’ɔra sɛba n keleseri ho la, la ho sɔsega la.
HON WAN EŊƐ DE SE’EM:
-
Zusɛ ge maasum soŋa soŋa. Zusɛ ta’an bɔkɛ ho yetɔɣum la ge daɣɛ hon wan bo de se’em. Mina ho puti’irɛ poan yelezuto se’a ti ho bɔta ti ho sɔsɛ. Pa’alɛ yɛla la homea n bɔkɛ a se’em ge yeen da kɔ’ɔn kaala ba gulesɛ sɛla eŋɛ gɔŋɔ la poan la.
-
Yese ho suure poan tɔɣera. Ti’isɛ sɛla zuo n sɔi ti la nara ti nɛreba wum ho sɔsega la. Ti’isa ba yele. Hon ze, hon loberi ho nu’usin, la hon iti ho nɛŋa se’em la wan pa’alɛ ti ho tɔɣeri la yelemɛŋɛrɛ ge me nɔŋɛ ba yele.
-
Bisa kɛleseriba la. La san kan daam ni bisa ho kɛleseriba la. Ho san bɔ’ɔra yetɔɣum, ni bisɛ nɛra ayima kɛleseriba la poan fii wa ge daɣɛ ho kɔ’ɔn lɔbera nini bisa ba za’a buyina.
