Basɛ ti yelekpina la niɛ peelum. Ho san kaalɛ gulesegɔ la ba’asɛ, taɣesɛ yelebɛa se’a n tɔɣeri yelezure la yele. Ho ta’an taɣesɛ yelebɛa la bii ho soke sokere n wan basɛ ti ho kɛleseriba la bɔkɛ yelekpina la.

Tɔɣɛ di’e yele la zuo. Ho san deŋɛ pa’alɛ sɛla n sɔi ti ho kaalɛ gulesegɔ la, la nari ti ho dekɛ yelebɛa la n boi gulesegɔ la poan la pa’alɛ ti la makɛ hon yele sɛla la.

Tɔɣɛ pa’alɛ yele la vuurɛ wana naana. Da tɔɣera yelese’a n ka tari vuurɛ yelezure sɔsega la poan. Ho kɛleseriba la n puɣum mina yetɔɣum la zuo n de ninmɔɔrɛ se’em la, nyaa ti’isɛ bisɛ yelese’a n nari ti ho tɔɣɛ pa’asɛ ti yele la niɛ peelum.