NA’AM MƆƆLEGƆDOMA SUKUU Tɛm woo soreŋmɛ’adoma n de yuun 23 ta paɛ 65 bɔta ti ba yalegɛ ba na’am tuuma ta’an keŋɛ sɛba n boti ti ba keŋɛ Na’am Mɔɔlegɔdoma sɔsega ba wan eŋɛ Alaserɛdaarɛ wuntɛɛŋa. Ba wan te’ele tiɛ tɔ tɛm la zɛ’an ti ba wan zi’ire sɔsɛ.

IMMA’ASUM SOŊERƐ Soso tɛra ti zɛkana wa dela YELEDI’IRE MA’A.

KO’OM MUSEGA Sɛba n yeti ba muse ko’om zi’iregɔ zɛ’an wan bɔna la nɛŋa kuɣesi la. Asibidaarɛ bulika, sɛba n yeti ba muse ko’om la dela ba zi’ire bilam ge ti ko’om musega yetɔɣum la pɔsɛ. Nɛra woo tari a ko’om musega lɔɣɔrɔ n makɛ ma’a na.

LAƔUM SOŊƐ TUUMA Ho san bɔta ti ho laɣum soŋɛ tuuma laɣesegɔ wa poan, soso keŋɛ Laɣum Soŋɛ Tuuma Wele la ge ba wan pa’alɛ hɔ tuunɛ n boi zɛ’an.

LƆƔƆSETO N BƆREGƐ ZƐ’AN Lɔɣɔseto woo ti ya pi’e laɣesegɔ wa poan ya tari keŋɛ Lɔɣɔseto N Bɔregɛ Wele la. Ho sɛla san bɔregɛ, keŋɛ lɔɣɔseto n bɔregɛ wele la zɛ’an ta bisɛ dekɛ ho lɔkɔ. Ho san nyɛ kɔma ti ba bɔregɛ, la dela ho tari ba keŋɛ bilam. Ge dɔɣereba mina ti la daɣɛ kɔma bisega zɛ’an. Soso tana ho kɔma tara, ti ba bɔna ho zɛ’an.

SOŊEREBA Soŋereba la n de sɛba n wan pa’alɛ hɔ sɛla n nari. Soso dɔla ba wan pa’alɛ ho sɛla, yele yele wuu hon wan pakɛ zɛ’an la ho zi’irego zɛ’an ti la da mikera.

SOŊERƐ BƆ’A La wan eŋɛ se’em ti laɣesegɔ wa soŋɛ tɔ ti to vurege du Yehowa la, ba eŋɛ la sanɛ nyaŋɛ maasum ti to ta’an zi’a fai ge kɛlesa yetɔɣum la. Ya wan yese ya suure poan bo la wan soŋɛ ti to yɔ sanɛ la ge soŋɛ teŋgɔŋɔ wa za’a waabi na’am tuuma la. Ba dekɛ daɣesi ze’ele kinkɛlesi ti se’em n tari bo’olum a dekɛ eŋɛ bim. To puurɛ pee bɔ’a woo mɛ. Tigere Zuo Bisegadoma la pu’usɛ ya yɛri yɛri bɔ’a la ti ya tara soŋera Na’am tuuma la.

ZI’IREGO ZƐ’AN Soso tɛra basɛba me yele. Tɛra ti ho wan ta’an deŋɛ kuka bo la sɛba ti hon la bamam laɣum zom loore, ho deodoma bii sɛba ti ho zamesa ba Baabule la ma’a. Soso da dekɛ lɔɣɔrɔ biŋe kuɣese’a n lɛm ho la zuo. Wana wan basɛ ti basɛba baŋɛ ti nɛreba ka zi bim.