PƆSƐ SƆSEGA
ZASEŊƆ 3
Ita Som
Naresum Yele: ‘Nɔŋerɛ tari la itisoŋɔ.’—1 Ko. 13:4.
Yezu N Yuun Eŋɛ De Se’em
1. Bisɛ VIDIYO la bii kaalɛ Yon 9:1-7 ge nyaa geele soke ana wa:
-
Yezu yuun eŋɛ la bem yia—a yuun pikɛ la fua la nini? Bii a yuun mɔɔlɛ la yelesoma la bo en?—Bisɛ Yon 9:35-38.
-
Hon ti’isɛ ti beni n sɔi ti buraa la yuun bɔta ti a kelese Yezu?
To Zamesɛ La Bem Yezu Zɛ’an?
2. Nɛra la san baŋɛ ti to ti’iseri a yele, a wan bɔta ti a kelese yelesoma la.
Tɔɣesa Yezu
3. Tara giile bɔ’ɔra nɛra la. Ti’isɛ bisɛ lan ani nɛra la se’em.
-
Soke homea yeti: ‘Bem yɛla n ta’an daana en? Bem yɛla n wan soŋɛ en bii kɛ̃ a suure?’ Ho san ti’isa soke ana wa, la wan soŋɛ hɔ ti ho ta’an yese ho suuren eŋɛ sɛla soŋɛ nɛra la.
-
Ho san kɛlesa nɛra la, la pa’alɛ ti eŋa n yeti ho sɛla la dela ninmɔ’ɔrɛ bɔ’ɔra hɔ. Nɛra la san tɔɣera lan ani en se’em bii a tɔɣeri la a daaŋɔ yɛla bɔ’ɔra hɔ, da tee sɔsega la.
4. Tɔɣera ti gilema bɔna bim. Hon tɔɣeri se’em la wan basɛ ti nɛra la baŋɛ ti ho ti’iseri a yele mɛ ge me sirum bɔta ti ho soŋɛ en. Bisa homea soŋa la hon tɔɣeri sɛla, bii hon tɔɣeri de se’em. Da tɔɣera yelese’a n wan daam nɛra la.
5. Soŋɛ nɛra la. Bisɛ hon wan ta’an soŋɛ nɛra la se’em, sose’ere n nari poan. To san eŋɛ som bo nɛra la, bala ta’an basɛ ti a bɔta ti a kelese.
