PƆSƐ SƆSEGA
ZASEŊƆ 5
Mina Guŋerɛ
Naresum Yele: ‘Basɛ ti ya yetɔɣum tara gilema.’—Kol. 4:6.
Paul N Yuun Eŋɛ De Se’em
1. Bisɛ VIDIYO la bii kaalɛ Tooma 17:22, 23 ge nyaa geele soke ana wa:
-
La yuun ani Paul la wani, se’em ma’a ti a yuun nyɛ Atens tiŋa nɛreba n kãaberi baɣa se’em la?—Bisɛ Tooma 17:16.
-
Paul yuun doose gilema sore poan la wani dekɛ Atens tiŋa nɛreba n kãaberi baɣa se’em la mɔɔlɛ yelesoma la bo ba?
To Zamesɛ La Bem Paul Zɛ’an?
2. To san bisera tomea soŋa la ton tɔɣeri sɛla, ton tɔɣeri de se’em, la sansɛka ti to tɔɣera dɛ, la wan basɛ ti nɛreba bɔta ti ba kelese to.
Tɔɣesa Paul
3. Bisa homea soŋa ho yetɔɣum poan. Makerɛ, ho san tɔɣera bɔ’ɔra nɛra n daɣɛ Kristabia, la ta’an nara ti ho bisɛ hon wan tee yi Baabule la se’em bii tɔɣɛ Yezu yele se’em.
4. Da ita kãbi kãbi ti ho basɛ ti nɛra la baŋɛ ti a tue mɛ. Basɛ ti nɛra la tɔɣɛ sɛla n boi a suuren. A san tɔɣɛ sɛla n ka makɛ la Baabule pa’alegɔ la, da ŋmɛ nɔkpe’ene la en. (Yam. 1:19) Ho san ma’ɛ homea kɛlesa en, la wan soŋɛ hɔ ti ho baŋɛ sɛla n boi a puti’iren.—Mag. 20:5.
5. La san nara, ni pɛ̃ɣɛ nɛra la, la eŋa n yele sɛla la. A ta’an ti’isa ti bamam pu’usegɔ yɛla la n de yelemɛŋɛrɛ. Pɔsɛ sɔsɛ yelese’a ti ya za’a laɣum sakɛ bo ge nyaa soŋɛ en fii fii ti a bɔkɛ Baabule la n pa’alɛ sɛla.
