1. Naayinɛ Nɔŋerɛ La Boi Mɛ Wuusa
1 NAAYINƐ NƆŊƐ HO MƐ
“Bone ya la Naayinɛ nɔŋerɛ la . . . a wan bo to vom sebo n ka tari ba’ahegɔ.”—Yude 21
Bem n basɛ ti hon sakɛ ti Naayinɛ nɔŋɛ ho mɛ?
-
Yon 3:16; 1 Yon 4:8-10; Liligere 4:11
Yehowa naam sɛla woo n boi teŋgɔŋɔ wa zuo la wan eŋɛ se’em ti to tara pupeelum to vom poan. Adam la Hawa n yuun tum be’em ba’asɛ la, Naayinɛ yuun ka tee a puti’irɛ la. A yuun dekɛ la a Dayɔa ti a dɛna lua bunɔ bɔ’ɔra tɔ la wan eŋɛ se’em ti asaala woo ta’an nyɛ daarewoo nyɔvore.
-
Yehowa dekɛ la Baabule la, a zilam vo’osum la ge bo to yɔ’ɔ ti to zusa la wan eŋɛ se’em ti to nyɛta soŋerɛ nananawa. To san zusa en, a ni kɛlesera to mɛ.
2 TO SAN NANA YEHOWA TO NYƐTI LA NYUURƆ SAŊA WOO
“Mam de [Yehowa] ya Yenɛ la. Mam pa’ale ya la sɛla n ane soŋa.”—Isaiah 48:17, NWT
Ho wan eŋɛ la wani nyɛ nyuurɔ ho san nana Yehowa?
-
Yehowa nyɛti to mɔɔri se’em ti to nana en la mɛ. To san nana la basɛ ti to vom ana la soŋa nananawa ge wan basɛ ti to beere sa’am ta ana soŋa.
3 HO TA’AN EŊƐ PA’ALƐ TI HO NƆŊƐ YEHOWA MƐ
“To nɔŋɛ Yenɛ vɔnrɛ dela to nana a nɔɔrɛ la.”—1 Yon 5:3
To wan nyaŋɛ nana Naayinɛ?
-
Yehowa mi ti to ka ani kasi. A ka yeti to ti to eŋɛ sɛla ti to kan ta’an eŋɛ.
-
To nɔŋɛ Yehowa la n soŋeri tɔ ti to nana en hali la san puɣum kpe’em bo to.
-
Baabule naresum yɛla pa’alɛ tɔ Naayinɛ n ti’iseri se’em mɛ. Naresum yɛla wa ta’an demese to ti’isegɔ ge basɛ ti to tara nɔŋerɛ zo’e zo’e bɔ’ɔra Yehowa. Baabule la san ka yele to wana mɔpi sɛla n nari ti to eŋɛ, naresum yɛla la ta’an soŋɛ tɔ ti to mina sɛla n nari.
