‘N wan . . . pa’alɛ ho sore se’ere ti ho nara ho doose.’​—Yooma 32:8

To san bɔta ti to di taaba bem n nari ti to geele?

• 1 Korint 7:39; 2 Korint 6:14

  Yɛm boi bini ti ho di bii ele mina puti’irɛ n kɔ’ɔn bɔna Yehowa pu’usegɔ poan.

• 1 Korint 7:36

  Yɛm boi bini ti to ele bii di pɔɣa se’em ma’a ti to zɔɛ sansɛka ti ga’aregɔ konkoma’asum ba’a tara paŋa to inya poan.

• 1 Korint 7:28

  Ti’isa pɔɣedire yele la putɛsonɛ. Pɔɣedire woo tari de yeledaaŋɔ mɛ.

“La ka ane soŋa te boraa wa bɔna ka ma’an. N wan maalɛ soŋora se’em n wan makɛ la n bo en.”​—Pin’ileŋɔ 2:18

Yehowa boti sira la pɔɣa ita la bem?

• Epesus 5:23; 1 Timoti 3:1-7; 5:8

  Sira n boi nɛŋa ti ba deo la ita deodoma pu’usegɔ ge bisera a pɔɣa la a kɔma inŋanɛ poan la ba wuni dama se’em. Eŋa n boi nɛŋa ni pa’ala ge dɔ̃legera a kɔma tuba.

• Magaha 31:10-31; Arom 7:2

  Pɔɣa dela a sira zɔsoŋa la a soŋera. A soŋeri a sira n loore lose’a la mɛ ge maala a deo la. A soŋeri a sira la mɛ ti a pa’ala ba kɔma la.

• Epesus 5:33; Filipi 2:4

  Sira la pɔɣa la za’a nari ti ba basɛ ti ba pupeelum yele pakɛ taaba.

“Te bayi la lebege boyena.”​—Pin’ileŋɔ 2:24

To wan eŋɛ la wani ti to pɔɣedire tara paŋa?

• Magaha 3:5, 6; Matu 19:6

  Yehowa yuun boti la pɔɣedire kɔ’ɔn bɔna wuusa. Eŋa n bo’ori to ka’a soŋɔ doose la pɔɣedire yɛla poan.

• Yooma 130:3; Kolose 3:13

  Sira la pɔɣa nari ti ba di’isa suure la taaba ba tɔregɔ yɛla poan. Ba nari ti ba dita suguru bɔ’ɔra taaba ge me nyɛta taaba halesoma se’em.