11. Pɔɣedire La Pooren
1 TO PƆƔEDIRE TA’AN TARI NA’ASEGƆ NA BO YEHOWA
“Nɔŋerɛ kɔ’ɔn bɔna la bala wuuha.”—1 Korint 13:8
Bem n wan soŋɛ tɔ ti to ta’an maalɛ to pɔɣedire yeledaaŋɔ?
-
Pɔɣedire woo tari a yeledaaŋɔ mɛ. Ge da eŋɛ kalam basɛ ho pɔɣedire la.
-
Yooma 25:4; Isaiah 48:17, 18; Matu 6:33, 34
Sira la a pɔɣa san vuregɛ lɛm Yehowa, ba pɔɣedire la wan malum kpe’em.
2 TO YETƆƔUM LA TO ITIGƆ TA’AN TARI DAAŊƆ WA’AN TO PƆƔEDIRE LA POAN NA
“Te bayi la lebege boyena.”—Pin’ileŋɔ 2:24
To wan eŋɛ la wani kan daam to sira bii to pɔɣa suure?
-
Tara yelemɛŋɛrɛ bɔ’ɔra ho sira bii ho pɔɣa ho puti’irɛ poan. Mina ho sira bii pɔɣa n wuni dama se’em. Ho san baŋɛ ti hon iti sɛla la daani en mɛ, eŋɛ ania la ho tee.
-
To kan bɔta ti to daam to sira bii pɔɣa suure inganɛ bii puti’irɛ poan. Yetɔɣepu’usa sa’ani la pɔɣedire.
-
Yehowa geele pɔɣedisa’aŋɔ ti la dela be’em n de ninmɔ’ɔrɛ. To nari to kɔ’ɔn lu to suure ti to wan tara yelemɛŋɛrɛ bɔ’ɔra to sira bii pɔɣa ge basɛ ti a baŋɛ ti a yele pakɛ to mɛ. To kan bɔta ti to sa’am Yehowa bii to sira bii pɔɣa suure.
3 HO WAN TA’AN BASƐ TI HO PƆƔEDIRE KPE’EM
“Yam n mɛte yire.”—Magaha 24:3
Ho wan eŋɛ la wani ti ho pɔɣedire tara pupeelum ge me kpe’em?
-
Magaha 24:4; Matu 6:14, 15; Arom 12:2; 1 Peter 3:1
Nyɛta saŋa sɔsa la ho sira bii pɔɣa. Tara nɔŋerɛ, gilema la itisoŋɔ bɔ’ɔra ho sira bii pɔɣa. Ni basɛ a be’em bo en kalam.
-
Magaha 14:1; 31:29; Filipi 1:9; 2:4; 1 Peter 3:7
Yele Yehowa ti a soŋɛ hɔ ti ho ta’an dɛna siresonkɔ bii pɔɣesonkɔ. Bisɛ hon wan ta’an eŋɛ sɛla pa’alɛ ti ho ti’iseri a yele ge ita en som.
-
Ho san mɔ’ɔra ti ho tara nɔŋerɛ la na’aheŋɔ bɔ’ɔra ho sira bii pɔɣa, ya pɔɣedire la wan kpe’em ge ti Yehowa me puurɛ wan pee.
