15. Nyeena Ho Tuuma Poan
1 YEHOWA NAAM TO MƐ TI TO BƆTA TUUMA
“Nɛra woo dita, ge nyuura, te a nini tegɛ la a namehegɔ yɔɔrɔ la. Yinɛ n bo.”—Pa’ala 3:13
Beni n sɔi ti tuuma dɛna bo’olum n ze’ele Naayinɛ zɛ’an?
-
Pin’ileŋɔ 1:1, 31; Pa’ala 2:24; Yon 5:17
Yehowa tuni mɛ paa. A nyeene mɛ a tuuma poan ge me bɔta ti tomam me nyeena to tuuma poan.
-
Magaha 8:22-31; Kolose 1:15-17
Yezu me kɔ’ɔn tuna mɛ saŋa woo, saazuo sa la teŋgɔŋɔ wa zuo.
-
Mark 6:3; Luke 21:37, 38; Yon 4:31-38; 17:4
Yezu tuuma la yuun nɛ la nini, la boi bini ti tuuma la yuun kpe’em mɛ ge a yuun tum a za’a mɛ.
2 TO TA’AN NYƐ NƐŊA TƆLEGA TO TUUMA POAN
“Ho nyɛ sɛba n mi tooma toŋa la? Ba wan tɔna bɔ’ɔra nadoma.”—Magaha 22:29
Bem n wan soŋɛ tɔ ti to nyeena to tuuma poan?
-
Magaha 12:24; Kolose 3:22-24; Hebru 13:18
To san puɣum kan nyaŋɛ tee tuuma, to wan ta’an tee to halɛ. To me boti to tara yelemɛŋɛrɛ ge tuna soŋa soŋa.
-
Magaha 27:11; 1 Timoti 5:8; 1 Peter 2:12
Ho san bisa ho deodoma, ho nani la Naayinɛ nɔɔrɛ. Hon tari sarum soŋɔ tuuma zɛ’an na’aseri la Yehowa.
-
Yɛhega 20:13-15; Magaha 2:6; Arom 14:19-22; Epesus 5:28–6:4; 1 Yon 5:3; Liligere 18:4
Baabule la basɛ ti to baŋɛ ti to ni loe tuunsɛka la ta’an daam tomea, to deodoma, mabiisi ge sɛla n gani za’a la, Yehowa.
3 HON LOE SƐLA YELE N PAKƐ HƆ LA TA’AN BASƐ TI HO NYEENA HO TUUMA POAN
“Eta sɛla n de ma’an.”—Filipi 1:10
Bem n nari ti la yele pakɛ tɔ?
-
Yooma 37:25; Magaha 3:5, 6; 1 Peter 5:7
Tɛra ti Yehowa mi hon boti sɛla ho vom poan mɛ.
-
Matu 6:25-32; 1 Timoti 6:8-10; Hebru 13:5
Basɛ ti ho puurɛ pee la sɛla ti ho tara la.
-
Magaha 10:22; Matu 6:33; 28:19, 20; Hebru 10:24, 25
Basɛ ti ho puti’irɛ kɔ’ɔn bɔna Yehowa pu’usegɔ poan ge me mɔɔla yelesoma la. Tundena n de sɛla yele n pakɛ ti to wa ta’an eŋɛ.
