“Bala sirihe ya mehe Na’ayenɛ zen’en. Zagahɛ ya sagona la, ge a wan zɔ ge bahɛ ya.”​—Yames 4:7

To wan eŋɛ la wani baŋɛ ti to zaɣesɛ Kolekpabɛ’a la mɛ?

• Liligere 7:9, 14

  Yehowa ni gu Kolekpabɛ’a la mɛ ti a ni ka ta’an eŋɛ to sɛsɛla. Naayinɛ pu’ulumbiŋe ti nɛrekuuŋɔ la n wan ta vɔna teŋpaalega la poan.

• 2 Yelebiŋ’a 15:2

  To san lɛm Yehowa, Sitaana la kan ta’an sa’am tomam la Yehowa teŋasuka.

• 1 Korint 10:13; Hebru 11:4-40

  Yehowa pu’ulumbiŋe ti a wan soŋɛ tɔ ti to tara yelemɛŋɛrɛ bɔ’ɔra en wuu eŋa n yuun soŋɛ diimi sa sakerɛdoma la se’em la.

“To mi Kolekpabɛ’a la sɔrɔtɔ n ane se’em mɛ.”—2 Korint 2:11

Bem bɛ̃tɔ ti Kolekpabɛ’a la tara tuna?

• Yon 15:19; Liligere 12:12, 17

  Teŋparɛ wa boi la Kolekpabɛ’a la nu’usin ge a ka nyaŋɛ Yehowa nɛreba bala n sɔi ti a puti’irɛ kɔ’ɔn bɔna ba poan la.

• Pin’ileŋɔ 3:1; Galatia 5:19-21; Epesus 6:12

  Kolekpabɛ’a la ni bɔta la a doose to tɔregɔ poan daam tɔ.

• Malema 19:26; Isaiah 1:13, 15; Mark 5:25, 26

  Bisɛ soŋa ho san lɔɔra tibegɔ seko ti ho bɔta. Mina n ni bɔta ti a nyɛ imma’aum kalam la ni doose la baɣa sore poan nyɛ tibegɔ kalam.

• Tɛɛnhegɔ 18:10-12; Tooma 19:19; Galatia 6:7; Liligere 21:8

  Kolekpabɛ’ɛsi la san mina ti to boti la to baŋɛ ba yɛla, ba ni doose bilam mɛ sa’ana to puti’irɛ. To san dekɛ tomea ki’isɛ kolekpatuuma poan, to kan tara yelemɛŋɛrɛ bɔ’ɔra Yehowa.

“Sagona la . . . ka tɔgɛ sɛla n de yelemɛŋɛrɛ se’ere n sɔe la a dela ponpɔrɔŋdoma naba.”​—Yon 8:44

To wan eŋɛ la bem pa’alɛ ti to tɔɣeseri la Kolekpabɛ’a la pumpɔreŋɔ la?

• Arom 1:11, 12; 2 Timoti 2:16

  Nɛreba n tɔɣeri yelese’a la ni basɛ ti to ti’isa ti Saɣena la, la a Kolekpabɛ’ɛsi la ba’ɛ tara la paŋa gana. Ge to wan tuɣum yeti ni nɛreba to wuni sɛla la, la nari ti to kpɛmesa taaba giila.

• Epesus 6:11

  To san mina Kolekpabɛ’a la bɛ̃tɔ la, to wan ta’an zaɣesɛ en ge tuɣum ana tapilapi la Yehowa.