17. Kelum Bɔna Naayinɛ Nɔŋerɛ La Poan
1 KƆ’ƆN BASƐ TI HO SAKERƐ LA MALUM KPE’EM
“Kpeŋere ya ya mɛhe la ya kɔ’ɔn zɔ’ɔra la ya nam se’em la poan.”—Yude 20
Bem n wan soŋɛ tɔ ti to sakerɛ malum kpe’em?
-
Epesus 6:11; Yames 1:25; 1 Peter 5:8
Ti’isɛ bisɛ to nani Yehowa la n basɛ ti to nyɛta ti a te’eli to mɛ ge me soŋera tɔ ti to vom ana soŋa.
-
Matu 28:19, 20; 1 Tesalonika 5:17; Hebru 10:24, 25
To san bɔta ti to sakerɛ kpe’em, to nari ti to zusa en saŋa woo, tɔɣera Yehowa yɛla bɔ’ɔra nɛreba ge me nyɛta saŋa naɛ la to mabiisi bɔna.
-
Yehowa kan malum basɛ hɔ. Ho san dɔla a pa’alegɔ la, ho wan tara suma’asum.
2 TO BOTI TO DƐNA LA KRISTAKƆMA N BĨ VO’OSUM POAN
“To zamehe ya yɛhera to sakerɛ Na’ayenɛ yelehom la poan.”—Hebru 6:1
La vuurɛ dela bem ti to dɛna Kristakɔma n bĩ vo’osum poan?
-
La daɣɛ naana ti to bĩ vo’osum poan. Kristabia n bĩ vo’osum poan tari la Yehowa puti’irɛ se’em ma’a ti a ti’isa ti a eŋɛ sɛla ge me lɔɔra loosoma.
-
La ni dɛna la yɔ’ɔ bo ho ti ho basɛ ti ho sakerɛ malum kpe’em ge me eŋɛ pa’alɛ ti ho nɔŋɛ Yehowa se’em ma’a ti ho bɔna yeledaaŋɔ poan la.
-
Ti’isa taɣesa sɛla ti Yehowa bɔta ti ho eŋɛ ge yele en ti a soŋɛ hɔ, ho san yeti ho loe loore.
-
Kɔ’ɔn kena nɛŋa zamesa Yehowa yɛla ge me eŋɛ ania ti hon la eŋa teŋasuka bɔŋa wan ana soŋa.
3 KƆ’ƆN KPA BISA BE’ERE SA’AM PUTI’IRƐ LA TI HO TARA LA
“Dekɛ ya . . . faanrɛ vuge wo zabere sapibire la.”—1 Tesalonika 5:8
To beere sa’am puti’irɛ la te’eli to la wani?
-
To beere sa’am puti’irɛ la dela sɛla n ka tari makerɛ. Ti’isɛ bisɛ Yezu n yuun tari beere sa’am puti’irɛ la n yuun soŋɛ en se’em ti a ŋmibe ze’ele gurebisɛ poan.
-
Ho san ti’isa ti ho sakerɛ ma’ari mɛ, zusɛ Yehowa. Puti’ira ayi ayi ta’an basɛ ti ho giila kɔ’ɔsɛ. Ge Yehowa wan bo ho sukpe’ene la putɛsonɛ ti ho ta’an ŋmibe.
-
Kɔ’ɔn ti’isa taɣesa beere sa’am puti’irɛ la ti ho tara la yele. Teŋpaalega la wan ana soŋa ge ti ho kan bɔta ti la piɛ hɔ.
-
Yehowa boti la ho dɛna a Zɔsonkɔ. Kɔ’ɔn mɔ’ɔra daarewoo ti ho nana a nɔɔrɛ ge me vuta lɛna en saŋa woo.
