2. Putɛkeeŋa N Ani Soŋa Naayinɛ Zɛ’an
1 TO PUTƐKEEŊA LA DELA BO’OLUM N ZE’ELE NAAYINƐ ZƐ’AN
“Ba mɛhe potɛn’ya n ne ta yele ba te ba tue ya bii ba ka tue.”—Arom 2:14, 15
Ho putɛkeeŋa la wan ta’an eŋɛ la wani soŋɛ hɔ?
-
To putɛkeeŋa la n boi to poan pa’ala tɔ som la be’em. La soŋeri to mɛ ti to viisa to ti’isegɔ la to wuni dama se’em yelemɛŋɛrɛ sore poan.
-
To putɛkeeŋa la ta’an pa’alɛ tɔ ti to tum som ge basɛ be’em. To san ka loe loesonɛ ka ni daana to mɛ ge to san loe loesonɛ ka ni basɛ ti to puurɛ pee mɛ
2 TO NARI TI TO KUMESƐ TO PUTƐKEEŊA LA
“Nɛresaala suunre pan’ahere en mɛ sɛla woo poan de ka tare maalegɔ.”—Yeremia 17:9
Yehowa dekɛ la bem bo to ti la ta’an soŋɛ tɔ ti to kumesɛ to putɛkeeŋa la?
-
To putɛkeeŋa la n ka ani kasi la ta’an ni tue mɛ. La nari ti zilam vo’osum la pa’ala tɔ ge daɣɛ to ita tomea n yeen ti’isa se’em.
-
Baabule la n basɛ ti to zamesɛ mina Yehowa n ti’iseri se’em, bala n soŋeri tɔ ti to mina som la be’em ge me soŋera tɔ ti to kumesa to putɛkeeŋa la.
3 NƐRA WOO PUTƐKEEŊA DAƔƐ BUYINA
“Ya se’em da zegera te a beha la a mea ma’an yele, ge a me lagom beha la sɛba me yɛla.”—1 Korint 10:23, 24
To wan eŋɛ la wani pa’alɛ ti to tara gilema bɔ’ɔra basɛba putɛkeeŋa?
-
Nɛra woo putɛkeeŋa daɣɛ buyina. Ho putɛkeeŋa ta’an basɛ ti ho eŋɛ sɛla ti ayima kan sakɛ eŋɛ.
-
Tuntuna Paul yuun fabeli a mabiisi yele mɛ gana a mea. Mabiisi la n yuun wuni dama se’em la yuun pakɛ en mɛ gana a mea.
-
Yehowa dekɛ putɛkeeŋa la bo to mɛ ti la gãkera tɔ ge daɣɛ basɛba. La nari ti to bisa tomea soŋa la to da tiregera ti tomam n iti som ge ti basɛba me tuna be’em.
4 YEHOWA TA’AN SOŊƐ HƆ TI HO TARA PUTƐKEEŊA N ANI SOŊA
‘To wan buɣelɛ to suure a nɛŋa . . . to mi ti Naayinɛ gani to ti’isegɔ ge mina sɛla woo.’—1 Yon 3:19, 20
To puti’irɛ san daana tɔ la be’em sebo ti to tum kurum, beni n sɔi ti la ka nara ti to basɛ ti to giila kɔ’ɔsɛ?
-
To tum be’em se’a kurum la ta’an ni daana to mɛ paa ge basɛ ti to ti’isa ti to ka tari vuurɛ hali to san puɣum tee ti la yue. Ge to kan ta’an tee yelese’a n eŋɛ tole la. Yehowa yuun di suguru bo to mɛ, bala la be’em aŋa saalum mɛ. To ta’an ana filam a nɛŋa.
-
‘Krista lɔɔ la’ dela Baabule naresum yɛla ge daɣɛ lɔɔdoma. Hali lɔɔ san puɣum ka bɔna doose la yelese’ere poan, Kristabia la ni ka ɛɛra ti a nyɛ sore tum sɛla n de be’em.
