“A niho boe la tontɔɔdoma la zuo.”—Magaha 3:32

To wan eŋɛ la wani doose yɛm sore poan nyɔɣɛ zɔdoma?

• Arom 1:11, 12; 2 Korint 6:13; 1 Peter 2:17

  To zɔdoma buuri la ba zi’irego zɛ’ɛsi ta’an bɔna de to’ore. Sɛla yele n pakɛ la dela to zɔdoma la nari ti ba nɔŋɛ la Yehowa.

• Arut 1:14, 16; 1 Samuel 18:1; Filipi 2:20-22

  Baabule la pa’alɛ zɔsonɔ mɛ zo’e zo’e.

“Zɔ dela se’em n tare nɔŋere saŋa woo, te sɔɔnrɔ mɛ soŋera taaba yɛla poan.”​—Magaha 17:17

To san nyɛ nɔkpe’ene la to zɔ to nari ti to eŋɛ la wani?

• Yooma 133:1; Matu 6:14, 15; Arom 14:19

  Dekɛ nataka sɛka n deŋɛ nɛŋa ta’an ɛ suma’asum la nɔyinɛ.

• Magaha 17:9; Kolose 3:13; 1 Peter 4:8

  Nɔŋerɛ n wan gu to ti to kan basɛ ti nɔkpe’ene pika ta lebege yele katɛ. La wan soŋɛ tɔ ti to dita suguru bɔ’ɔra ge tara yelemɛŋɛrɛ.

• Yooma 141:5; Magaha 27:6

  Tɛra ti yelemɛŋɛrɛ zɔ ka zoti ti a yele ho hon sirum ani se’em.

• Magaha 12:18; 18:24; 1 Yon 3:16-18

  Kɔ’ɔn ana la ho zɔdoma tapilapi doose la homea n de zɔsoŋɔ la.

‘Ba han dɔnlegɛ to toba, bala ma’an poan la, to ka tari popeelum, . . . ge pooren, la basɛ ti to tara la . . . tontɔɔtuuma.’​—Hebru 12:11

To zɔ san basɛ Yehowa bem n nari ti to eŋɛ?

• 1 Korint 5:11-13; 2 Yon 9-11

  To zɔ san loe ti a tuna tumbe’ero ge zaɣesɛ ti ba soŋɛ en, a ni eŋɛ pa’alɛ ti a ka boti ti a kelum pa’asɛ tansugere la poan.

• 1 Peter 1:15, 16

  Ba san yese nɛra tansugere la poan basɛ la pa’alɛ ti to nɔŋɛ la Yehowa, a yu’urɛ la, la a pa’alegɔ la.