“Mam dɔnbelɛ teŋa mɛ to Sɔ Yenɛ nɛŋa. Enŋa n de sɔ bo. . . yiredoma woo.”​—Epesus 3:14, 15

Beni n sɔi ti Yehowa bɔta ti to tara gilema bɔ’ɔra deo la poan maaseŋɔ?

• Magaha 10:1

  Yehowa n basɛ ti deo la bɔna, la wan eŋɛ se’em ti kɔma ta’an tara fai bɔŋa ge zɔ’ɔra ge ti nɛra woo n boi deo la poan ta’an tara nɔŋerɛ.

• Magaha 1:8; 1 Korint 11:3; Epesus 6:1-3; 1 Peter 3:1

  Deodoma ni nyɛta la nyuurɔ ba za’a san tuna ba tuuma soŋa soŋa.

“Krista la me n de zuodaana lagaŋɔ la poan.”—Epesus 5:23

Beni n sɔi ti la nari ti to nana bɔ’ɔra maaseŋɔ se’a n boi tansugere la poan la?

• Matu 24:45-47

  Yezu doli la ‘sakerɛ la yɛm yameŋa la’ bisa Naayinɛ nɛreba teŋgɔŋɔ wa zuo.

• 1 Tesalonika 5:12; Hebru 13:17

  Keendoma la keendoma soŋeredoma soŋeri tansugere la mɛ ti la tara paŋa. To san nana mabiisi bamam wa la pa’alɛ ti to tara gilema bɔ’ɔra Yehowa kpe’eŋo la mɛ.

• Tooma 20:28

  Nɛra woo ni nyɛ nyuurɔ mɛ to san yese to suure za’a soŋera tansugere la. Yehowa n eŋɛ maaseŋɔ wa ti to dɔla bim pu’usa en.

“Naayinɛ n bo yɔ’ɔ ti kpe’eŋodoma bɔna; Yenɛ n bahɛ ba te ba de’a zuodoma wa.”​—Arom 13:1

To wan eŋɛ la wani ta’an tara gilema bɔ’ɔra gɔmɛtdoma?

• Matu 5:16; 1 Peter 3:15

  To yetɔɣum la to itigɔ n pa’ali ti to bo’ori gilema. Wana n na’aseri Yehowa.

• Tooma 26:2, 25; Arom 12:17, 18

  Kristakɔma nani teŋse’a ti ba bɔna la wara mɛ. Ba san puɣum muguha ba, ba kelum bɔ’ɔra gilema mɛ.

• Arom 13:1-4

  Baabule naresum yɛla ta’an soŋɛ hɔ ti ho nana sɛba woo n tari kpe’eŋo la.

• Matu 22:37-39; 26:52; Yon 18:36; Tooma 5:27-29; Hebru 10:24, 25

  Gɔmɛt san yele ho ti ho eŋɛ sɛla n ka makɛ la Yehowa lɔɔ, la dela ho loe mina ti ho wan nam bo.