5. To Wan Eŋɛ Se’em Ta’an Welege Tomea Teŋgɔŋɔ La Poan
1 KRISTAKƆMA KƆ’ƆN ANA LA TAPILAPI LA NAAYINƐ NA’AM LA
“Mam Sɔ’ɔlom la dagɛ teŋa wa zuo denɛ.”—Yon 18:36
To wan eŋɛ la wani pa’alɛ ti to ka pa’asɛ nalaɣerɛ yɛla poan ge to tuɣum dɔla la Naayinɛ Na’am la?
-
Isaiah 2:2-4; Yon 6:15; 1 Peter 3:15
To ka zaberi bii dekera tomea pa’asa nalɛɣerɛ yɛla poan.
-
To ka pu’useri tesi la wɔsum lɔɣɔrɔ. Makerɛ n wana, to ka pu’useri tuuta la.
-
Gbiregere ni basɛ ti gbiregere malum pa’asa mɛ. To guri la Yehowa ti a yese teŋgɔŋɔ wa daaŋɔ yɛla basɛ wuusa.
-
Mabiisi za’a waabi, la puɣum ka pakɛ la ba ze’ele teŋsɛka, buuri sɛka, bii ba zi’irego zɛ’ɛsi n ani se’em, ba dela to suurɔ. To kan malum zabɛ la taaba.
2 KRISTAKƆMA ‘KA PA’ASƐ TEŊGƆŊƆ WA POAN’
“Ge magahɛ wo mam n ka dekɛ n mea bo teŋa wa zuo se’em la, bama me ka dekɛ ba mɛhe bo ka.”—Yon 17:16
Beni n sɔi ti la nara ti to yelege tomea yese Sitaana teŋgɔŋɔ wa poan?
-
‘Teŋgɔŋɔ la’ ze’ele bo la nɛresɛba n ka mi Naayinɛ ge ita yɛla ti la makɛ la Sitaana, teŋgɔŋɔ wa bisegadaana la n boti sɛla.
-
To boti la Yehowa dekɛ tɔ ti to dɛna a zɔdoma. To tɔɣeseri la Yehowa la Yezu to hala poan, to yetɔɣum poan la to tuuma poan.
3 KRISTAKƆMA ZAƔESƐ TEŊGƆŊƆ LA HALA MƐ
“Lo ho suunre la som.”—Magaha 4:23
La vuurɛ dela bem ti ho gu homea Sitaana teŋa wa hala poan?
-
Sitaana tari la n ma’a tara halɛ, zɛkɛ n mea ge ita kpenkpasi. A boti la nɛreba ti’isa ti la yele ka pakɛ ti ba nana Naayinɛ.
-
To yetɔɣum la to itigɔ poan n ni pa’alɛ ti to ka pa’asɛ teŋgɔŋɔ la poan. Tomea yɛla poan ni pa’alɛ to boi zɛ’an mɛ.
-
To san bɔta ti to gu tomea yese Sitaana teŋgɔŋɔ hala wa poan, la nari ti to kɔ’ɔn ana la tapilapi la Yehowa ge ti’isa Yehowa yɛla
4 LIGERI KA BO’ORI TO FAI BƆŊA SAŊA WOO BII BASƐ TI TO SUURE BA’A GA’A MA’ASUM
“Te nɛra han pon tara la se’em me a wan ba’ahom ki.”—Luke 12:15
Bem n wan soŋɛ tɔ ti to gɛɛla inŋanɛ lɔɣɔrɔ woo Yehowa n geeli a se’em la?
-
Sitaana boti la to ti’isa ti nyɛlum dia la taresum bo’ori to la pupeelum. Ge Yezu yuun pa’alɛ to yeti sɛla n bo’ori to pupeelum dela to tari bɔnsoŋa la Naayinɛ ge me bɔ’ɔra basɛba me.
-
Matu 6:31, 32; Mark 12:30, 31; Luke 21:34-36
To san kɔ’ɔn ti’isa la to pu’usa Yehowa la, to vom wan tara vuurɛ. To tari sɛla la wan seke to ge ti to tara suma’asum.