6. To Wan Eŋɛ Se’em Ta’an Loe To De’eŋo
1 TO LOORE DE’EŊSETO LA PA’ALI LA TO NƆŊƐ YEHOWA PAA SE’EM
‘Ita ya sɛla woo ti de de’a pɛ̃ka bɔ’ɔra Naayinɛ.’—1 Korint 10:31
Beni n sɔi ti la nara ti to bisɛ tomea soŋa la to loori de’eŋo seto la?
-
Yooma 11:5, 7; 34:14; Arom 12:9; 1 Korint 6:9, 10
De’eŋo yɛla zo’e zo’e zina wa—sinii poan, intanɛt tuuma zɛ’an, tiivi poan, vidiyo de’eŋo, yuuma poan, bii sosɛka deene—tari la yalumtuuma, gbiregere yɛla bii kolekpatuuma.
-
De’eŋseto ti to lɔɔra la ta’an basɛ ti la ana tɔ buɣa buɣa bii la ta’an basɛ ti la kpe’em bo to ti to pu’usa Yehowa la yelemɛŋɛrɛ.
-
To de’eŋo ta’an tee to.
2 BAABULE NARESUM YƐLA TA’AN SOŊƐ TƆ TI TO LOE TO DE’EŊO SOŊA SOŊA
“Kpeŋe ya ya mɛhe mina sɛla te [Yehowa] bɔta ya te ya eta.”—Epesus 5:17
Bem Baabule naresum yɛla n wan ta’an soŋɛ tɔ ti to loe to de’eŋo soŋa soŋa?
-
Yooma 16:8; Magaha 6:16-19; Galatia 5:19-21
La nari ti to yaɛ yelese’a ti Yehowa yaɛ la mɛ, maɣesɛ wuu gbiregere, kolekpatuuma la yalumtuuma.
-
To san ti’isa taɣesɛ yelesoma, la ni soŋɛ to mɛ ti to basɛ ti Yehowa puurɛ pɛɛra.
-
La nari ti to bisɛ tomea soŋa la to de’eŋo yɛla n dekeri to saŋa se’em. Yehowa pu’usegɔ n nari ti la dɛna ninmɔ’ɔrɛ yele n gani za’a to vom poan.
3 TO LOORI SƐLA TA’AN SOŊƐ BII DAAM BASƐBA
“Ya se’em da zegera te a beha la a mea ma’an yele, ge a me lagom beha la sɛba me yɛla.”—1 Korint 10:24
Beni n sɔi ti la nara ti la yele pakɛ tɔ la basɛba n geele to de’eŋo yɛla se’em?
-
Kristabia ayima ta’an loe de’eŋo n boi de to’ore la ayima me n loe sɛla la. To da gãkera basɛba la ba loe de’eŋseto la ge to tuɣum ni tiregɛ loe de’eŋo seto n ani soŋa.
-
To putɛkeeŋa la n ni pa’alɛ tɔ de’eŋo seto n nari, daɣɛ nɛra woo putɛkeeŋa n de buyina.
-
To ka boti ti to eŋɛ sɛla ti la basɛ ti to mabiisi la pirɛ lui, bala la to ni bisɛ tomea soŋa mɛ la de’eŋseto ti to lɔɔra la.
