“Se’ere n sɔi la, bonvɔa vom boe la ziim poan.”—Malema 17:11

Yehowa geele ziim la wani?

• Malema 17:10; Magaha 13:16; Tooma 15:20; Arom 12:2

  Yele ta’an ta eŋɛ ti la yele pakɛ ti to loe ninmɔ’ɔrɛ loore doose la ziim tebega dɔɣeta yire poan, maɣesɛ wuu to wan sakɛ ti ba dekɛ zipiɣisi tebɛ tɔ. Nɛreba basɛba ka nari ti ba loe loore aŋa wa bo to. Ge ti to nyaa tu’usɛ yele dena wa taaba la, la nari ti to zusɛ nyɛ soŋerɛ ge me eŋɛ viisegɔ.

• Pin’ileŋɔ 9:4, 5, 9; Tɛɛnhegɔ 12:16; Tooma 15:28, 29

  Baabule la poan, ziim n ze’ele bo vom. Naayinɛ ka malum tee eŋa n biŋe lɔɔ se’ere doose la ziim yele la. Lɔɔ dena mea nɔɔ n yuun boi Noah saŋa ha la ta paɛ la se’em ma’a ti Naayinɛ yuun dekɛ Moses Lɔɔ la bo Israeldoma la ta paɛ Kristakɔma saŋa poan.

“Mam sɔrɔtɔ zaan la ya sɔrɔtɔ, te mam potɛn’ɛrɛ zaan la yamam potɛn’ɛra.”​—Isaiah 55:9

Sore aŋa bɛɛ ti to wan ta’an eŋɛ pa’alɛ ti vom tari tuulum bɔ’ɔra tɔ?

• Yɛhega 21:22, 23

  Asaala woo vom pakɛ Yehowa mɛ. Puka’asegɔ dela be’em se’ere n sɔi la Naayinɛ bisɛ ti bilia la n nan boi puuren la dela nɛrevɔa.

• Yooma 103:8-14; Tooma 3:19; Epesus 1:7

  Pɔka san tabelɛ ka’ɛ puurɛ basɛ ge nyaa tee, Yehowa wan di suguru bo en.

• Yooma 11:5; Pa’ala 11:9, 10

  To san ka dɛ’ɛna de’eŋo n tari dɛŋa ge me ka tara gbiregere hala bala n wan pa’alɛ ti to bo’ori vom gilema mɛ. To me kelum bisa to yɛa la to lɔa soŋa soŋa ti ba ka tara dɛŋa.

“N nyɛ pɔka wa n ko nɛresɛba n na’ahe Yenɛ kekeko la.”​—Liligere 17:6

Beni n sɔi ti Sitaana teŋgɔŋɔ wa tara taalɛ?

• Liligere 18:2, 4, 9, 24

  Pu’usegɔ yɛla, nalɛɣerɛ yɛla la punya’anɛ zuo n sɔi ti ba ku nɛreba zo’e zo’e.

• Matu 24:14; Yon 17:16; Tooma 20:26, 27

  Kristakɔma boi la ba ma’a ge me ka soŋera tigere sɛka n laɣum pa’asɛ zaberɛ bii nɛrekua poan. To soŋeri nɛreba ti ba ta’an nyɛ vom doose la to sɔseri Na’am la yetɔɣum bɔ’ɔra ba la.