“Yamam sɛba n ziire Na’ayenɛ toolom lɔgɔrɔ ya poan. Da ganlom ya.”​—Isaiah 52:11

To wan eŋɛ la wani basɛ ti to pu’usegɔ ana kasi?

• 1 Korint 10:21; Yames 1:27

  To ni zaɣesɛ yaaba yɛla, malema la pa’alegɔ n de pumpɔreŋɔ pu’usegɔ yɛla mɛ.

• Malema 11:44; Malaki 3:6

  Yehowa ni tɛ’ɛla a nɛreba mɛ doose la eŋa n bo ba lɔɔdoma la naresum yɛla la.

“Bahɛ ya te to yehe ya to mɛhe yelese’ere woo n wan bahɛ te to iŋhe la to potɛn’ya eta sɛla n de dɛngerɔ.”​—2 Korint 7:1

Hale bani taaba ti Yehowa bɔta ti to yese tomea a poan?

• Matu 22:39; Tooma 17:25; Titus 3:1

  Zaɣesɛ yelese’a n wan sa’am ho inya bii ku ho kalam, maɣesɛ wuu taba nyua bii daam buka bii titɔ yooro yooro nyua. To ka makɛ ita yele ana wa se’ere n sɔi la to tari la gilema bɔ’ɔra to vom, la basɛba me vom ge me nana teŋse’esi ti to bɔna la wara.

• Arom 7:21-25

  Hali to san tiregera ti to basɛ halebe’o n boi to poan, to da basɛ ti to giila kɔ’ɔsɛ. Yehowa wan soŋɛ tɔ ti to zabɛ nyaŋɛ halebe’o la.

“Ge mam ane wo n ŋmɛ n mea iŋa wa mɛ te ka nya ana wo n yameŋa la.”​—1 Korint 9:27

Bem n wan ta’an soŋɛ tɔ ti to basɛ halebe’o?

• Matu 6:13

  Zusa ta’an nyɛ zilam vo’osum la ti la soŋɛ hɔ ti ho zaɣesɛ konkoma’asum be’o.

• 1 Peter 4:3, 4

  Yese homea la, nɛresɛba, sinii se’a bii yuunse’a n ni basɛ ti la kpe’em bo ho ti ho basɛ halebe’ero la.

• Arom 12:1, 2

  Maasum soŋa ta’an tɔɣɛ pa’alɛ basɛba sɛla zuo n sɔi ti ho loe ti ho kan eŋɛ sɛla, makerɛ n wana, sɛla n sɔi ti ho ka nyuura taba.