Yezu Krista dela Yehowa Bia la a zɔ sonkɔ. Yezu yun dela vo’osum nɛresɛka n tare paŋa saazuo sa ge nyaa sige teŋa wa zuo na. (Yon 17:5) A yun wa’ana ti a dekɛ la a sɔ yelemɛŋɛrɛ la pa’alɛ nɛreba. (Yon 18:37) Yezu yun ki mɛ ti a faaɛ nɛresɛba n nane en la yese be’em la kum poan. (Arom 6:23) Yezu nyaa dela Naayinɛ Na’am la Naba. Saazuo gɔmɛt ena n wan tare Paradiisi wa’ana.—Liligere 19:16.

Malakadoma la me dela Naayinɛ zɔdoma. Malakadoma la yun ka pɔsɛ ba vom teŋa wa zuo. Naayinɛ yun naam ba la saazuo ge nyaa maalɛ teŋgɔŋɔ wa. (Yob 38:4-7) Malakadoma la dela tustusa. (Daniel 7:10) Naayinɛ zɔdoma n bo saazuo wa boti la nɛreba baŋɛ Yehowa yelemɛŋɛrɛ la n de sɛla.—Liligere 14:6, 7.

Naayinɛ me tare zɔdoma teŋgɔŋɔ wa zuo mɛ ti a yi’ira ba a sɛɛradoma. Nɛra san dita sɛɛra kootin, a ni tɔɣɛ pa’alɛ la eŋa n mi nɛra la bii yele la se’em. Yehowa Sɛɛradoma mi tɔɣere pa’ala la nɛreba Yehowa n tare beere putɛse’ere. (Isaiah 43:10) Maɣese wuu malakadoma la, Yehowa Sɛɛradoma boti ba soŋɛ ho me ti ho baŋɛ yelemɛŋɛrɛ la. Ba boti ti ho dɛna la Naayinɛ zɔ