Zɔto nyɛlum dela ban wunɛ taaba sɔsiga. Hon wune a nɔɔrɛ ti a me wuna ho nɔɔrɛ. Ho mɛ tɔɣere la a yelesoma bɔ’ɔra nɛreba. Tomam la Naayinɛ zɔtɔ mɛ ane la bala. Baabule la n pa’alɛ yelese’a ti to ita n wana:

Zusa Naayinɛ daarewoo. “Kɔ’ɔn sohore ya [Naayenɛ] daarɛ woo.”—Arom 12:12.

Kaala Baabule la daarewoo. “Ge la dela [Naayinɛ] n daa bahɛ te nɛreba golehɛ a yetɔgom la woo. Bo dela yetɔgom sebo n . . . pa’alɛ tɔ sɛla n de yelemɛŋɛrɛ. . . . De’a tuure. Ge pa’ala tɔ te to eta sɛla n de ma’an.”—2 Timoti 3:16.

Pa’alɛ nɛreba ti ba baŋɛ Naayinɛ. “Bala la keŋɛ ya teŋhe woo la bahɛ te nɛreba doohe mam . . . pa’ala ba te ba nana sɛla woo te mam yele ya la.”—Matu 28:19, 20.

 Vuregɛ du Naayinɛ zɔdoma. “Se’em n sonhere la yamdoma wan nyɛ yamdaana” yɛm.—Magaha 13:20.

Kena pu’usegɔ Na’am Pu’usegɔ Deo la poan. “Bahɛ ya te to tɛnra taaba yele, ete dena wa la to soŋora taaba, tara nɔŋera ge mɛ eta sɛla n an soŋa.”—Hebru 10:24, 25.

Laɣum soŋɛ Na’am Pu’usegɔ tuuma la. “La nare te nɛra woo bo n tɛn’ɛhe a potɛn’ɛrɛ poan te a bo se’em. A daana da bo ge nyɔna bii a dekɛ dɛ te de dɛna pɛnregerɛ. Se’ere n sɔe la, Na’ayenɛ nɔŋɛ se’emdaana n bo’ore bo’olom la popeelom.”—2 Korint 9:7.