Sitaana boti ho tuna la tiim tuuma. Nɛreba zo’e zo’e kaabere la yaabedoma ti dããŋɔ da paara ba. Ba tare la dabeem la ki’indoma n sɔe ti ba ita bala. Tiimdaana ni dekɛ la bãsi, nutuusi bii dɔŋɔ bo ba ti ba yɛ. Nɛreba ni dekɛ la “tiim” sɔ bii nyu ti la bo ba paŋa. Sɛba mɛ ni dekɛ la sɛla yule ba bɔ’ɔrɔ bii pi teŋa ge tɛ’ɛsa ti la wan ta’an gu ba yese be’em poan. Ge ti basɛba ni di tiim ti la soŋɛ ba ti ba koosego tɔla nɛŋa, ba ta’an ba’asɛ sukuu soŋa bii ba ta’an di pɔɣa.

Hon nyɔɣɛ Yehowa zɔtɔ ma’a n wan faaɛ ho yese Sitaana bɛtɔ poan. Yehowa la a malakadoma tare paŋa gana Sitaana la a kolkpãbɛ’ɛsi. (Yames 2:19; Liligere 12:9) Yehowa kɔ’ɔn bɔta mɛ ti a faaɛ a zɔdoma basɛ—yeleyele wuu sɛba ane tapilapi la en la.—2 Yelebiŋ’a 16:9.

Naayinɛ Yetɔɣum la yɛti: “Da zamehe ya . . . bakolo boka.” Yehowa kisi tiim la kolkpatuuma mɛ sɛla n sɔe la, yele ana ta’an dekɛ to ta kẽ’ẽsɛ Sitaana, Kolkpabɛ’a la nu’usin.—Malema 19:26.