ZASEŊƆ 04
Ani N De Naayinɛ?
Asaala n kɔ’ɔn pɔsɛ zi’ire tingɔŋɔ wa zuo daarɛ, ba kɔ’ɔn kaabera la yina to’ore to’ore ge Baabule la tɔɣɛ la Naayinɛ deyina yele. Mina n de “Naayinɛ la karegɛ gana yina woo mɛ.” (2 Yelebiŋ’a 2:5) Naayinɛ kani n bala? Ge bem n basɛ ti eŋa gana yina la woo ti nɛreba kaabera la? Zaseŋɔ wa poan, zamesɛ baŋɛ Naayinɛ n basɛ ti ho baŋɛ en se’em.
1. Naayinɛ yu’urɛ dela bem ge to eŋɛ la wani baŋɛ ti a boti la to baŋɛ a yu’urɛ la?
Baabule la poan, ti Naayinɛ basɛ ti to baŋɛ en. A yeti: “Mam dela Yehowa. Mam yu’urɛ n bala.” (Kaalɛ Isaiah 42:5, 8.) “Yehowa” ze’ele la Hebru yetɔɣum poan ti la vuurɛ dɛna “Eŋa N Basɛ Ti La Ita.” Yehowa boti la to mina a yu’urɛ la. (Yɛhega 3:15) To eŋɛ la wani baŋɛ bala? A yu’urɛ la boi Baabule la poan ti la gaŋɛ 7,000! a “Yelemɛŋɛrɛ Naayinɛ la n boi saazuo zuin sa, la tinparɛ wa zuo” la yu’urɛ n de Yehowa.—Tɛɛnhegɔ 4:39.
2. Baabule la pa’alɛ Yehowa yɛla la wani?
Baabule la yeti yina la za’a ti nɛresaaleba na’asa la, Yehowa ma’a n de yelemɛŋɛrɛ Naayinɛ. Beni n sɔi? Yɛla zo’e zo’e n sɔi. Yehowa n tari kpe’eŋo gana za’a, eŋa me ma’a “n de Gaŋɛ Za’adaana tinparɛ wa zuo.” (Kaalɛ Yooma 83:18.) Eŋa n de “Paŋa Zaʼadaana la” ti la vuurɛ pa’alɛ ti a tari paŋa n wan tum sɛla za’a ti a bɔta. Eŋa n “naam sɛla woo”—saazuo la tingɔŋɔ wa za’a ti vom bɔna bim wa. (Liligere 4:8, 11) Sɛla ka boi n zoni la Yehowa, se’ere n sɔi la a ka tari pɔsega ge me kɔ’ɔn bɔna la bala wuusa.—Yooma 90:2.
VIISƐ PA’ASƐ
Viisɛ baŋɛ Naayinɛ na’asegɔ yu’ura, la a yumɛŋɛrɛ la n boi tɔka tɔka se’em. Nyaa zamesɛ baŋɛ sore sɛka poan la sɛla n sɔi ti a niɛ a yu’urɛ la pa’alɛ ho la.
3. Naayinɛ tari la na’asegɔ yu’ura la yumɛŋɛrɛ ayina ma’a
Ho san ɛɛra ho baŋɛ na’asegɔ yu’urɛ la yumɛŋɛrɛ n boi tɔka tɔka se’em, ŋmɛ VIDIYO la ge nyaa sɔsɛ sokere wa:
-
Na’asegɔ yu’urɛ n de wuu “Daana” la yumɛŋɛrɛ boi tɔka tɔka la wani?
Baabule la yeti, nɛreba na’aseri la yina la daandoma zo’e zo’e. Kaalɛ Yooma 136:1-3 ge nyaa sɔsɛ sokere wa:
-
Ani n de “yinedoma Naayinɛ” la “daandoma Daana la”?
4. Yehowa boti la ho baŋɛ a yu’urɛ la ge tari de tuna tuuma.
Bem n pa’alɛ ti Yehowa boti la ho baŋɛ a yu’urɛ? Ŋmɛ VIDIYO la ge nyaa sɔsɛ sokere ana wa:
-
Hon ti’isɛ ti Yehowa boti nɛreba baŋɛ a yu’urɛ la? Bem zuo?
Yehowa boti nɛreba tara a yu’urɛ la tuna tuuma mɛ. Kaalɛ Arom 10:13 ge nyaa sɔsɛ sokere ana wa:
-
La de ninmɔ’ɔrɛ la wani ti to tara Naayinɛ yu’urɛ Yehowa la tuna tuuma?
-
La ni ana hon la wani nɛra san tɛ̃ra ge yi’ira ho yu’urɛ?
-
Hon ti’isɛ ti la ani Yehowa la wani ho san yi’ira a yu’urɛ?
5. Yehowa boti la ho dɛna a zɔ
Cambodia pɔka ayima yu’urɛ n de Soten yeti, eŋa n zamesɛ baŋɛ Naayinɛ yu’urɛ la basɛ ti eŋa “tara la pupeelum zo’e zo’e.” Ŋmɛ VIDIYO la ge nyaa sɔsɛ sokere ana wa:
-
Vidiyo la poan, la ani Soten la wani la eŋa n zamesɛ baŋɛ Naayinɛ yu’urɛ la?
Ho san yeti ho nyɔɣɛ nɛra zɔtɔ la dela ho mina a yu’urɛ. Kaalɛ Yames 4:8a ge nyaa sɔsɛ sokere ana wa:
-
Yehowa boti ho eŋɛ la bem?
-
Ho san mina Naayinɛ yu’urɛ ge tari de tuna tuuma, la wan soŋɛ ho la wani ti ho ana du’a du’a la en?
NƐREBA BASƐBA YETI: “Naayinɛ dela ayina ma’a bala la, la yele ka pakɛ hon yi’iri en se’em.”
-
Hon sakɛ sira ti Naayinɛ yu’urɛ dela Yehowa?
-
Hon wan ta’an tɔɣɛ la wani pa’alɛ ti Naayinɛ boti la to tara a yu’urɛ la tuna tuuma?
YELEKPINE
Yelemɛŋɛrɛ Naayinɛ la ma’a yu’urɛ n de Yehowa. A boti la to mina yu’urɛ la ge tari de tuna tuuma la wan eŋɛ se’em ti to vuruge lɛm en.
Tiisegɔ Sokere
-
Yehowa boi a to’ore la wani la yina se’a woo ti nɛreba puʼusa la?
-
Beni n sɔi ti la nara ti to tara Naayinɛ yu’urɛ la tuna tuuma?
-
Beni n pa’alɛ ti Yehowa boti la ho vuruge lɛm en?
Ɛ BISƐ
Viisɛ bisɛ yɛla anuu n basɛ ti la niɛ peelum ti Naayinɛ boi.
Geele bisɛ sɛla n sɔi ti yɛm bɔna bim ti to sakɛ ti Naayinɛ ka tari pɔsega.
Zamesɛ baŋɛ sɛla n sɔi ti la nara ti to yi’ira Naayinɛ yu’urɛ hali to san puɣum ka mina ba yuun yi’iri de se’em diimi sa.
To yi’iri Naayinɛ yu’urɛ se’em la yele pakɛ mɛ? Bisɛ sɛla n sɔi ti to yeti Naayinɛ tari la yumɛŋɛrɛ ayina ma’a.
a Ho san bɔta ti ho baŋɛ Naayinɛ yu’urɛ n de sɛla pa’asɛ, la sɛla n sɔi ti Baabula ase’a ka tara yu’urɛ la, bisɛ Appendix A4 n boi New World Translation of the Holy Scriptures la poan.