ZASEŊƆ 15
Ani N De Yezu?
Yezu laɣum dɛna la nɛrezureba la ayima n tabelɛ zi’ire tingɔŋɔ wa zuo la. Nɛreba zo’e zo’e mi la a yu’urɛ la ma’a ge ba ka mi en soŋa soŋa hali basɛba tari la puti’irɛ to’ore to’ore la Yezu n sirum de nɛresɛka. Baabule la tɔɣɛ a yele la wani?
1. Ani n de Yezu?
Yezu dela vo’osum poan nɛrekãtɛ n boi saazuo sa. Sɛla woo n boi, eŋa ti Yehowa Naayinɛ naam en yia. Bala n sɔi ti la dɛna ti “a dela naaŋɔ lɔɣɔrɔ woo bikeenma” (Kolose 1:15) Baabule la yeti Yezu dela Naayinɛ “Dayɔa kayina ma’a” se’ere n sɔi la Yezu ma’a ti Yehowa amea naam en. (Yon 3:16) Yezu yuun naɛ la a Sɔ Yehowa mɛ soŋɛ En ti a naam sɛla woo n boi. (Kaalɛ Magaha 8:30.) Yezu kɔ’ɔn kelum tara bɔnsoŋa la Yehowa mɛ. A dela Naayinɛ kpana, dɛna “Yelesum la” ge tɔ’ɔsa A yetɔɣum la A pa’alegɔ la bɔ’ɔra nɛresaaleba.—Yon 1:14.
2. Beni n sɔi ti Yezu yuun wa’an tingɔŋɔ wa zuo na?
La paɛ wuu yuun 2,000 n tole ti Yehowa yuun doose a zilam vo’osum la poan dekɛ Yezu vom saazuo sa eŋɛ Mari n de pɔɣesa’arɛ n ka mi buraasi puuren. Sarɔkuna wa poan ti ba dɔɣɛ en ti a dɛna nɛresaala. (Kaalɛ Luke 1:34, 35.) Yezu n de Messiah bii Krista la ti ba yuun biŋe nɔɔrɛ ti a wan wa’an tingɔŋɔ wa zuo na faaɛ nɛresaaleba basɛ. a Baabule yetɔɣebiŋa la za’a n tɔɣɛ Messiah la yele se’em la yuun tum tuuma la a poan ti la soŋɛ nɛreba ti ba baŋɛ ti Yezu n de “Krista, Naayinɛ se’em n vɔi la Dayɔa.”—Matu 16:16.
3. Nananawa Yezu boi la bɛ?
Yezu n yuun ki la ba yuun isige en la kum poan ti a dɛna vo’osum nɛra nyaa lebe saazuo sa. Bilam la, “Naayinɛ daa zɛkɛ en mɛ bo en kpe’eŋo kãtɛ.” (Filipi 2:9) Nananawa Yezu tari la kpe’eŋo n zo’e, san daɣena Yehowa ma’a n ganɛ en.
VIISƐ PA’ASƐ
Zamesɛ baŋɛ Yezu n sirum de nɛresɛka taaba pa’asɛ ge le bisɛ sɛla n sɔi ti la dɛna ninmɔ’ɔrɛ ti to zamesa a yele.
4. Yezu daɣɛ Paŋa Za’adaana Naayinɛ
Baabule la yeti Yezu dela vo’osum poan nɛrekãtɛ n boi saazuo sa ge a siregeri amea bɔ’ɔra a Sɔ la a Naayinɛ, Yehowa mɛ. Beni n sɔi ti to wan ta’an yele bala? Ŋmɛ VIDIYO la ge bisɛ Baabule la n pa’alɛ Yezu la paŋa za’adaana Naayinɛ kpe’eŋo la n boi to’ore to’ore se’em.
Baabule gulesegɔ ana wa wan soŋɛ tɔ ti to bɔkɛ Yehowa la Yezu n ani la taaba se’em. Kaalɛ Baabule gulesegɔ woo ge nyaa sɔsɛ sokere ana wa:
Kaalɛ Luke 1:30-32.
-
Maleka la yuun pa’alɛ ti Yezu la Yehowa Naayinɛ se’em n de “Gaŋɛ Za’adaana la” ani taaba la wani?
Kaalɛ Matu 3:16, 17.
-
Yezu ko’om musega la poan, kɔ̃a la n yuun ze’ele saazuo la yuun yeti bo?
-
Hon ti’isɛ ti ani kɔ̃a n yuun bala?
Kaalɛ Yon 14:28.
-
Ani n keem ge tara kpe’eŋo gana? La dela sɔ bii bia?
-
Yezu yuun boti a yeti bo la eŋa n yuun yi Yehowa ti a Sɔ la?
Kaalɛ Yon 12:49.
-
Yezu ti’isɛ ti eŋa la a Sɔ la dela nɛreyinɛ? Ho puti’irɛ dela deni?
5. Yezu yuun eŋɛ pa’alɛ ti eŋa n de Messiah la
Baabule la tari la yetɔɣebiŋa zo’e zo’e n wan soŋɛ nɛreba ti ba baŋɛ mina n de Messiah la—Naayinɛ n loe se’em ti a faaɛ nɛresaaleba basɛ. Ŋmɛ VIDIYO la ti la pa’alɛ yetɔɣebiŋa yɛla ase’a n yuun tum tuuma Yezu poan se’em ma’a ti a yuun bɔna tingɔŋɔ wa zuo la.
Kaalɛ Baabule yetɔɣebiŋa yɛla wa ge nyaa sɔsɛ sokere ana wa:
Kaalɛ Mikah 5:2 ta’an baŋɛ ba yuun dɔɣɛ Messiah la zɛ’an. b
-
Yetɔɣebiŋere dena wa yuun tum tuuma Yezu dɔɣum poan?—Matu 2:1.
Kaalɛ Yooma 34:20 la Zekaria 12:10 ge bisɛ yetɔɣebiŋa wa n tɔɣɛ Messiah la kum yele se’em.
-
Yetɔɣebiŋa wa yuun sirum tum tuuma?—Yon 19:33-37.
-
Hon ti’isɛ ti Yezu yuun ta’an basɛ ti yetɔɣebiŋa ana wa tum tuuma?
-
Wana wa pa’alɛ hon ti Yezu dela ani?
6. To san zamesɛ Yezu yele to nyɛti nyuurɔ mɛ
Baabule la tɔɣɛ taɣesɛ la de ninmɔ’ɔrɛ yele se’em ti to zamesɛ baŋɛ Yezu la a tuuma la yele. Kaalɛ Yon 14:6 la 17:3 ge nyaa sɔsɛ sokere wa:
-
Beni n sɔi ti la dɛna ninmɔ’ɔrɛ ti to zamesɛ baŋɛ Yezu?
Yezu n yu’ɛ sore ti to ta’an dɛna Naayinɛ zɔdoma. A yuun pa’alɛ la Yehowa yelemɛŋɛrɛ la ge ti eŋa poan ti to wan ta’an nyɛ daarewoo nyɔvore
NƐREBA BASƐBA YETI: “Yehowa Sɛɛradoma ka sakɛ bo Yezu.”
-
Ho wan lebese la wani?
YELEKPINE
Yezu dela vo’osum poan nɛrekãtɛ. A dela Naayinɛ Dayɔa la Messiah la.
Tiisegɔ Sokere
-
Beni n sɔi ti ba yiʼira Yezu ti “naaŋɔ lɔɣɔrɔ woo bikeenma”?
-
Yezu yuun iti la bem ge nyaa wa’an tingɔŋɔ wa zuo na?
-
To eŋɛ la wani baŋɛ ti Krista n de Messiah la?
Ɛ BISƐ
Zamesɛ baŋɛ Yezu n de Messiah la yele.
“Messiah Yetɔɣebiŋa La Sirum Eŋɛ Pa’alɛ Ti Yezu N Yuun De Messiah La?” (La boi jw.org)
Viisɛ Baabule la poan baŋɛ nyaa Naayinɛ sirum dɔɣɛ Yezu wuu nɛresaaleba n dɔɣeri ba kɔma se’em la.
Geele bisɛ sɛla n sɔi ti Tirinitaasoŋa pa’alegɔ la ka bɔna Baabule la poan.
Kaalɛ bisɛ pɔka ayima vom n yuun tee se’em la eŋa n yuun viisɛ baŋɛ Baabule la n pa’alɛ Yezu yele se’em la.
“Israel Pɔka Ayima N Tɔɣɛ Pa’alɛ Sɛla N Sɔi Ti Eŋa Daa Tee A Pu’usegɔ” (Awake!, May 2013)
a Zaseŋɔ 26 la 27 wan basɛ ti to baŋɛ sɛla n sɔi ti nɛresaaleba ɛɛra faarɛ, la Yezu n faaɛ to basɛ se’em.
b Bisɛ Ki’ileŋɔ Yelesum 2 ta’an baŋɛ yetɔɣebiŋere se’ere n pa’alɛ sansɛka mɔpi ti Yezu wan niɛ amea pa’alɛ tingɔŋɔ wa zuo.
Ho Me Ta'an Bɔta Yele Ana
SOKESE’A TI NƐREBA SƆKERA
Bem Baabule Zamesegɔ N Bala Ti Yehowa Sɛɛradoma Ita La Nɛreba?
Hon la Yehowa Sɛɛradoma san zamesa Baabule la, ho ta’an tara homea Baabule la kaala, zamesegɔ la poan. Ho ta’an yele ho yire nɛreba za’a la ho zɔdoma ti ba laɣum kelese zamesegɔ la.
