ZASEŊƆ 34
To Wan Eŋɛ La Wani Pa’alɛ Ti To Nɔŋɛ Yehowa?
Hon pɔsɛ zamesa Baabule la daarɛ, hon ti’isɛ ti hon ani du’a du’a la Naayinɛ? Ho wan bɔta ti hon la eŋa zɔtɔ nyɔka la kpe’em? La san dɛna bala, tɛra ti, Yehowa san nyɛ ti ho nɔŋerɛ la ti ho tara bɔ’ɔra en la pa’aseri mɛ a me wan nɔŋɛ ho pa’asɛ ge bisera hɔ. Ho wan eŋɛ la wani pa’alɛ en ti ho nɔŋɛ en?
1. To wan eŋɛ la wani pa’alɛ Yehowa ti to nɔŋɛ en?
To doli Yehowa nɔɔrɛ la n pa’alɛ ti to nɔŋɛ en. (Kaalɛ 1 Yon 5:3.) A ka pɛregɛ nɛra ti a dɔla a nɔɔrɛ. La tuɣum dɛna se’em dela, a bo to la yɔ’ɔ ti to san bɔta to nana en bii to zaɣesɛ en. Bem zuo? Yehowa boti la to “dekɛ [to] suure za’a dɔla a pa’alegɔ la.” (Arom 6:17) Bala pa’alɛ ti, a boti la ho nana a nɔɔrɛ la daɣɛ ti la dela pɛregerɛ ge hon nɔŋɛ en la zuo. Gɔŋɔ wa bɔba 3 la 4 wan soŋɛ hɔ ti ho eŋɛ pa’alɛ hon nɔŋɛ Yehowa se’em ta’an zaɣesɛ sɛla n wan saɣum a suure ge tuɣum ita sɛla n wan basɛ ti a puurɛ pee.
2. Beni n sɔi ti la ni kpe’em bo to ti to nɔŋɛ Yehowa?
“Daaŋɔ zoʼe zoʼe paari tontɔɔdaana mɛ.” (Yooma 34:19) To ka di mi’a la zuo, tɔregɔ paari to za’a mɛ. Nɔŋɔ, ŋmɛlema tuuma la yeletooro zo’e zo’e me paari to mɛ. Wuŋerɛ san ni paɛ tɔ, la daɣɛ naana ti to eŋɛ sɛla ti Yehowa bɔta. Sɛla n sɔi la, be’em sore la ta’an dɛna naana ti ho doose bilam maalɛ ho yele. Ge ho san doose sakerɛ poan tum sɛla ti Yehowa bɔta la, ho eŋɛ pa’alɛ ti ho nɔŋɛ en gana sɛla woo. La me wan pa’alɛ ti ho tari yelemɛŋɛrɛ bɔ’ɔra en. Eŋa me wan tara yelemɛŋɛrɛ bɔ’ɔra hɔ. A kan malum pisegɛ ho basɛ.—Kaalɛ Yooma 4:3.
VIISƐ PA’ASƐ
Viisɛ baŋɛ sɛla n sɔi ti hon nani bɔ’ɔra yele pakɛ Yehowa ge zamesɛ baŋɛ sɛla n wan ta’an soŋɛ hɔ ti ho tara yelemɛŋɛrɛ bɔ’ɔra en.
3. Yele n laɣum pakɛ hɔ
Baabule gɔnseko n de Yob la poan, Sitaana yuun ka zɛregɛ la Yob ma’a ge sɛba woo n boti ba pu’usa Yehowa. Kaalɛ Yob 1:1, 6–2:10 ge nyaa sɔsɛ sokere ana wa:
-
Sitaana yuun yeti, beni zuo ti Yob nana Yehowa?—Bisɛ Yob 1:9-11.
-
Sitaana zɛregɛ nɛresaaleba woo la wani?—Bisɛ Yob 2:4.
Kaalɛ Yob 27:5b ge nyaa sɔsɛ sokere wa:
-
Yob yuun eŋɛ la wani pa’alɛ ti a sirum nɔŋɛ Yehowa mɛ?
Yob yuun kɔ’ɔn kelum tara la yelemɛŋɛrɛ bɔ’ɔra Yehowa ti la pa’alɛ ti a nɔŋɛ en
To san tara yelemɛŋɛrɛ bɔ’ɔra Yehowa, la pa’alɛ ti to nɔŋɛ en mɛ
4. Basɛ ti Yehowa puurɛ pee
Kaalɛ Magaha 27:11 ge nyaa sɔsɛ sokere ana wa:
-
La ni ana Yehowa la wani ho san tara yɛm ge nana en? Bem zuo?
5. Ho wan ta’an tara yelemɛŋɛrɛ bɔ’ɔra Yehowa
To nɔŋɛ Yehowa la n sɔi ti to tɔɣera a yɛla bɔ’ɔra nɛreba. To tari yelemɛŋɛrɛ bɔ’ɔra en la zuo, to wan eŋɛ bala hali la san puɣum kpe’em bo to. Ŋmɛ VIDIYO la ge nyaa sɔsɛ sokere ana wa:
-
La ni kpe’em bo ho ti ho tɔɣɛ Yehowa yɛla bo nɛreba?
-
Vidiyo la poan la, bem n soŋɛ Grayson ti a ka le tara dabeem?
La wan dɛna naana ti to tara yelemɛŋɛrɛ bɔ’ɔra Yehowa to san nɔŋɛ sɛla ti a nɔŋɛ ge me yaɛ sɛla ti a yaɛ la. Kaalɛ Yooma 97:10 ge nyaa sɔsɛ sokere ana wa:
-
Hon zamesɛ sɛla Baabule la poan la, bem yɛla ti Yehowa nɔŋɛ? Bem yɛla ti a me yaɛ?
-
Ho wan eŋɛ la wani nɔŋɛ sɛla n ani soŋa ge yaɛ sɛla n de be’em?
6. To san nɔŋɛ Yehowa, to nyɛti la nyuurɔ
Sɛla n ani soŋa gana za’a dela to nana Yehowa. Kaalɛ Isaiah 48:17, 18 ge nyaa sɔsɛ sokere ana wa:
-
Hon ti’isɛ ti to wan ta’an dekɛ tomea delum Yehowa ti eŋa n mi sɛla n ani soŋa bɔ’ɔra tɔ? Bem zuo?
-
Hon zamesɛ Baabule mina yelemɛŋɛrɛ Naayinɛ Yehowa la, la soŋɛ hon la wani ta paɛ zina?
NƐREBA BASƐBA YETI: “Mam n iti sɛla za’a yele ka ba’ɛ pakɛ Naayinɛ.”
-
Baabule gulesegɔ kuni ti ho wan ta’an dekɛ pa’alɛ ti to iti yelese’a pakɛ Yehowa mɛ?
YELEKPINE
Ho wan ta’an eŋɛ pa’alɛ ti ho nɔŋɛ Yehowa, ho san nana en ge tara yelemɛŋɛrɛ bɔ’ɔra en yɛla san puɣum kpe’em bo ho.
Tiisegɔ Sokere
-
Hon zamesɛ la bem Yob yele la poan?
-
Hon wan eŋɛ la wani pa’alɛ ti ho nɔŋɛ Yehowa?
-
Bem n wan soŋɛ hɔ ti ho tara yelemɛŋɛrɛ bɔ’ɔra Yehowa?
Ɛ BISƐ
Zamesɛ baŋɛ hon wan eŋɛ se’em ta’an tara yelemɛŋɛrɛ bɔ’ɔra Yehowa la tansugere la zaʼa.
“Ho Tari La Yelemɛŋɛrɛ Bɔ’ɔra Se’em N Tari Yelemɛŋɛrɛ La” (16:49)
Zamesɛ baŋɛ Sitaana n parum bo asaaleba se’em.
“Yob Yuun Kelum Tara Birikinte Mɛ” (Baabule La Tɔɣeri La Bem Yele? bɔberɛ 6)
Geele bisɛ hali kɔma n wan ta’an eŋɛ se’em pa’alɛ ti ba nɔŋɛ Yehowa.
Bunbilipaalega ti a tadaandoma pɛregera en, wan eŋɛ la wani tara yelemɛŋɛrɛ bɔ’ɔra Yehowa?
Ho Me Ta'an Bɔta Yele Ana
SOKESE’A TI NƐREBA SƆKERA
Bem Baabule Zamesegɔ N Bala Ti Yehowa Sɛɛradoma Ita La Nɛreba?
Hon la Yehowa Sɛɛradoma san zamesa Baabule la, ho ta’an tara homea Baabule la kaala, zamesegɔ la poan. Ho ta’an yele ho yire nɛreba za’a la ho zɔdoma ti ba laɣum kelese zamesegɔ la.
