TO BƆNA WUU KRISTAKƆMA
“Dekɛ Ya Baga La Woo Te Ya Tara La Lobe Bahɛ”
La nɔɔ boi bini ti Yehowa yuun nan ka bo nɔɔrɛ ti Eŋa yaɛ baɣa kaabegɔ mɛ ge Yakob yuun mi ti la nari ti a pu’usa la Yehowa ma’a. (Yɛh 20:3-5) Bala la, se’em ma’a ti Yehowa yuun yele en ti a lebe Betel la, Yakob yuun yele sɛba woo n doli en la ti ba dekɛ ba baɣa la woo lobe basɛ. Yakob yuun nyaa vaɛ ba baɣa la woo, hali ba bãsi la sapɔla la lobe basɛ mɛ. (Pin 35:1-4) Nɔkpe’ene kai ti Yehowa puurɛ yuun pee mɛ la Yakob n eŋɛ sɛla la.
Tomam dabesa wa poan, to wan eŋɛ la wani pu’usa Yehowa ma’a? La dela to zaɣesɛ yelese’a n tari baɣa yɛla bii kolekpatuuma. Wana wa pa’alɛ ti to vaɛ lɔɣese’a woo n tari kolekpatuuma lobe basɛ ge me mina de’eŋo se’a n ka nari to bisa. Makerɛ n wana, soke homea yeti: ‘Mam ni bɔta la n kaala bii bisa sinii se’a n tari kolekpatuuma, ti vampaya bɔna bini ti nɛreba yuura basɛba ziim? Mam san bisera TV bii vidiyo, mam ni ti’isa ti tiim tuuma, baɣa bii bakolo tuuma daɣɛ sɛsɛla?’ La nari ti to yaɛ yelese’a woo ti Yehowa yaɛ la.—Ym 97:10.
BISƐ ITIPA’ALEGƆ VIDIYO LA ZUO N DE “ZAGAHƐ YA SAGONA LA” GE NYAA LEBESE SOKERE ANA WA:
-
Bem yeledaaŋɔ ti Baabule zamesegɔdaana Nyaama daa tu’usa a vom poan?
-
Beni n sɔi ti la yele pakɛ ti to yele keendoma la ti ba soŋɛ se’em woo n kɛ̃ kolekpatuuma poan?
-
Zaɣesɛ Kolekpabɛ’a la ge vurege lɛm Naayinɛ.—Yam 4:7, 8
To san bɔta ti Yehowa tɛ’ɛla tɔ, to nari ti to zaɣesɛ la bem yɛla?
-
Nyaama daa kɔ’ɛ a puti’irɛ ti a eŋɛ la bem?
-
Sore ani poan ti to wan ta’an zaɣesɛ kolekpatuuma to gingilega la poan?
