LA YELE N PAKƐ SE’EM: Looredoma la, la pisena la beem nɛra woo ti ba wa’ana nyu “ko’om sebo n ka lebehe yɔɔra dɛna vom ko’om” la. (Lil 22:17) Vo’osum poan ko’om wa, ze’ele bo la Yehowa n eŋɛ maaseŋɔ se’em ti a faaɛ asaala woo n kelese en yese be’em la kum poan basɛ. La wan eŋɛ se’em ti to ta’an soŋɛ nɛresɛba malema la ba sakerɛ n boi to’ore to’ore la, la nari ti to mɔɔlɛ ‘yelesoma la n tɔɣeri yɛsera la vom sebo n ka tari ba’asegɔ la’ sore sɛka poan ti la wan kɛ̃ ba suure.​—Lil 14:6.

TO WAN EŊƐ DE SE’EM:

• Loe gulesegɔ n wan kɛ̃ sɛba n boi ho gingilega la poan suure. Ho ta’an dekɛ hon wan tɔɣɛ sɛla bii ho loe sɛla ti ho tabelɛ dekɛ tum tuuma ti la soŋɛ hɔ. Bem yɛla la gulesegɔ kuni ti nɛreba nɔŋɛ? Lasebaarɛ yele boi ti nɛreba ti’isa ge tɔɣera de yele? Bem ti pɔɣesi bii buraasi ba’ɛ nɔŋɛ a sɔsega?

• Ho ta’an zamesɛ nɛreba la n boi ho gingilega la poan yetɔɣum la ba buuri yɛla.​—2Ko 6:3, 4

• Mina gɔnɔ la vidiyo se’a n boi to Pa’alegɔ Lɔɣɔrɔ Daka la poan soŋa soŋa ge tara a pa’ala sɛba n boti yelesum la

• Ho ta’an ve’e nɛreba la n tɔɣeri yetɔɣesebo ho gingilega la poan vidiyodoma

• Tɛɛra ho zuo yetɔɣum la ti la makɛ la yelese’a ti ho yidaana la bɔta. (1Ko 9:19-23) Makerɛ n wana, ho wan tɔɣɛ la bem buɣelɛ ho yidaana suure ho san baŋɛ ti a suɔ n ki?

BISƐ VIDIYO LA GE LEBESE SOKERE ANA WA:

• Na’am mɔɔlegɔdaana la pɔsɛ a sɔsega la wani la yidaana la?

• Bem yɛla n daani yidaana la?

• Gulesegɔ kani n makɛ yele wa ge beni n sɔi?

• Ho gingilega la poan, hon ni tee ho sɔsega la wani ti la makɛ la ho kɛleseriba la n boti sɛla la?