TO BƆNA WUU KRISTAKƆMA
To Kumesɛ Tomea Na’am Tuuma Poan
LA PAKƐ SE’EM:
La dela to basera yelemɛŋɛrɛ la ti to borɛ la ko’om. (1Ko 3:6) Bala la, to san nyɛ nɛra n boti yelemɛŋɛrɛ la, la wan ana soŋa ti to soke en sokere, ta’an lebe ta sɔsɛ. Bala wan basɛ ti a ti’isa sokere la yele ge me dɛna naana bo to ti to ta’an maasum lebe ta bisɛ en. To san lebe a zɛ’an to ta’an yele en ti, to wa’ana ti to sɔsɛ la sokere la.
HON WAN EŊƐ DE SE’EM:
-
Ho san maasena yire la yire eere, laɣum maasum soke se’ere ti ho wan lebe ta sɔsɛ pooren. Sokere la ta’an bɔna gɔnseko ti ho dekɛ bo en daandenɛ daarɛ la. Bii la ta’an dɛna sokere n tari lebesego bɔna gɔnseto ti to tara ita Baabule zamesegɔ la poan ayima ti ho maasum ti ho dekɛ sɔsɛ la en.
-
Ho san sɔsa la nɛra n boti yelemɛŋɛrɛ la ge nyaa ki’ilum, basɛ ti a mina ti ho wan lebena ti ya sɔsɛ sɛla ti a soke la. Ho ta’an to’e nɛra la address bii a fon nɔmba a san tara.
-
Ho san yele en sansɛka ti ho wan lebena, kɔ’ɔn mɔ dɔla bala.
—Mt 5:37.
