Ho san dɛna la Kristabia n de bunbilipaalega bii ho dela Baabule zamesegɔdaana, hon maasum ti ho muse ko’om? Beni n sɔi ti hon bɔta ti ho muse ko’om? Kã’a la ko’om musega dela yɔ’ɔ kãtɛ n wan basɛ ti ho tara bɔnsoŋa la Yehowa. (Ym 91:1) La wan basɛ ti ho nyɛ faarɛ. (1Pe 3:21) Ho wan eŋɛ la wani ta’an maasum muse ko’om?

Eŋɛ pa’alɛ ti ho sirum baŋɛ yelemɛŋɛrɛ la. Ho san tara puti’ira ayi ayi, eŋɛ viisegɔ. (Arom 12:2) Eŋɛ teere se’a n nari ge me lu ho suure ti ho wan ita Yehowa n boti sɛla. (Mag 27:11; Ep 4:23, 24) Zusa en daarewoo ti a soŋɛ hɔ. Tara suure lua ti Yehowa wan doose zilam vo’osum la poan bo ho paŋa ge soŋɛ hɔ. (1Pe 5:10, 11) Ho wan nyɛ kã’a la hon tiregeri se’em la. Ho san pu’usa Yehowa, ho vom wan ana soŋa!​—Ym 16:11.

BISƐ VIDIYO LA ZUO N DE HON WAN MAASUM SE’EM TA’AN MUSE KO’OM GE NYAA LEBESE SOKERE ANA WA:

• Bem yeledaaŋɔ ti basɛba ŋmibe de poan nyaŋɛ muse ko’om?

• Hon wan eŋɛ la wani ta’an tara sakerɛ kã homea bo Yehowa?

• Bem n soŋɛ basɛba ti ba ta’an maasum muse ko’om?

• Bem kã’a ti sɛba n pu’useri Yehowa la nyɛta?

• Kã’a la ko’om musega vuurɛ?